Inspeximus eciam quoddam scriptum in cirographatum inter Ranulphum de Albo Monasterio et dictos priorem et canonicos confectum in hec verba Notum sit universis presens scriptum visuris vel audituris quod cum mota esset contencio inter priorem et conventum de parco de Helagh querentes ex una parte et dominum Ranulphum de Albo Monasterio filium et heredem Lucie Turet impedientem ex altera super eo quod predicti prior et conventus petebant versus predictum Ranulphum habere racionabile estovarium suum in parcho ipsius Ranulphi de Wikale et ad animalia sua propria communam herbagii et pasture et propriam nutriciam porcorum suorum sive pannagium in parco predicto tam racione terrarum et tenementorum que fidem prior et conventus habeant in villis de Wichale et Esedic die confeccionis hujus scripti quam racione personatus ecclesie predicte ville unde dicti prior et conventus perpetui persone sunt in hunc modum conquievit Videlicet quod predictus Ranulphus concessit pro se et heredibus suis dictis priori et conventui et successoribus suis imperpetuum quod libere et pacifice et sine aliqua molestia aut impedimento habebunt de cetero in predicto parco suo de Wychale cum libero ingressu et egressu per singulos annos ad racionabile estoverium suum tam octo carucatas bosci racionabilis ad ardendum scilicet infra quindenam ante festum Sancti Michaelis per visum et liberacionem sui forestarii vel alicujus alterius ex parte ipsius Ranulphi percipiendas et quo voluerint educendas Preterea habebunt cum libero ingressu et egressu annuatim imperpetuum in dicto parcho in herbagio et communa pasture ubique libera triginta et unum averia tam quieta ab omni demanda que quidem averia die Invencionis sancte Crucis per annos singulos in dictum parchum libere ingredientur et ibidem morabuntur pacifice et sine molestia in dicta pastura usque ad diem sancti Michaelis quo die ipsa averia exibunt ceteras pasturas communes predicte ville sicut debent ingressura et eodem die sancti Michaelis quo predicta avena exire debent sicut predictum est intrabunt in dictum parcum cum libero ingressu et egressu ex parte dictorum prioris et conventus et successorum suorum imperpetuum xxxi porci tam quos ipsi quietes a pannagio et ab omni demanda usque ad diem sancti Martini in hieme per annos singulos pacifice habebunt imperpetuum et ipsa animalia et porcos per suos homines quo voluerint visitabunt sine dicti parci et infra contentorum detrimento Et quia dicebatur quod Willelmus rector ecclesie de Helagh movere volebat questionem de pastura habend in dicto parcho de Wichale racione ecclesie sue de Helagh ipsi prior et conventus concesserunt quod cum predictus Ranulphus de Albo Monasterio eisdem priori et conventui fecerit habere pacifice unum toftum et totam terram quod toftum et quam terram cum pertinenciis in Biltona Bartholomeus Thuret dedit rectori ecclesie de Helagh pro quieta clamancia predicte commune fidem prior et conventus ab impetracione predicti Willelmi rectoris vel successorum suorum defendent Concessit etiam idem Ranulphus pro se et heredibus suis quod nec per se nec per suos unquam inquietabit dictos canonicos nec homines suos injuste nec imparcabit averia sua nisi in dampno suo fuerint inventa scilicet in pratis vel bladis ante asportacionem vesture vel alibi ubi ire non debent Idem etiam concessit dictus prior et conventus pro se et suis successoribus dicto domino Ranulpho et suis hominibus Idem vero Ranulphus et heredes sui dictis priori et conventui et eorum successoribus warantizabunt adquietabunt et defendent omnia predicta secundum quod prenotata sunt quieta ab omni seculari servicio et demanda contra omnes homines imperpetuum Predictus vero prior et conventus et eorum successores hanc convencionem firmiter in posterum predicto Ranulpho et heredibus suis observabunt Et ad majorem securitatem hujus convencionis faciendam utraque pars presenti scripto in modum cirograffi confecto sigillum suum hinc inde apposuit Acta ad Vincula sancti Petri anno gracie m cc liv Hiis testibus Ricardo Walense Johanne de Cotenham Thoma filio Willelmi de Marston Henrico Walense Theobaldo persona de Melsaneby Stephano persona de Bruc Radulpho de Smaus Thoma Fairfax et aliis

Source Fulltext: Chartulary of the Augustinian Priory of St. John the Evangelist of the Park of Healaugh. J. S. Purvis. Yorkshire Archaeological Society, V.92. Yorkshire Archaeological Society. West Yorkshire Print Co. Wakefield. 1936.