Omnibus Christi fidelibus hoc scriptum visuris vel audituris dominus Symon de Kyma dominus de Newton Kyme super Werf eternam in domino salutem Noveritis me concessisse et pro me et heredibus meis presenti scripto confirmasse Deo et beate Marie et domui sancti Johannis Evangeliste de Parco de Helagh et canonicis ibidem Deo servientibus pro salute anime mee antecessorum et heredum meorum in libera pura et perpetua elemosina omnes terras tenementa et pasturas cum pertinenciis suis que ipsi habent in feodo meo tam in dominico quam in servicio scilicet in villis et territoriis de Catherton et Touleston que habuerunt et tenuerunt die confessionis hujus scripti secundum tenorem cartarum suarum quas inde habent de feoffatoribus suis tenend et habend omnia predicta sibi et successoribus suis libere quiete integre pacifice et solute ab omni seculari servicio sectis exaccione et demanda imperpetuum In cujus rei testimonium presenti scripto sigillum meum apposui Acta apud Newton predictam die sancti Jacobi apostoli A D mcclxxxv Hiis testibus dominis Johannis de Bella Aqua Stephano Wales Wilelmo le Vauasor Alano de Folifait

Source Fulltext: Chartulary of the Augustinian Priory of St. John the Evangelist of the Park of Healaugh. J. S. Purvis. Yorkshire Archaeological Society, V.92. Yorkshire Archaeological Society. West Yorkshire Print Co. Wakefield. 1936.