Omnibus Christi fidelibus Johannes de Yarum le Tannar salutem in domino Noveritis me dedisse concessisse et hac presenti carta mea confirmasse Deo et domui sancti Nicholai de Yarum et priori et conventui de Parco ejusdem domus curam habentibus redditum quinque solidorum quem Thomas Playlon mihi annuatim reddidit de quodam tofto quod de me tenuit in villa de Yarum et ego de eisdem tenend et habend dictis priori et conventui et eorum successoribus inperpetuum libere quiete integre et pacifice ab omni servicio seculari et demanda Et ego totum dictum redditum dictis priori et conventui et eorum successoribus contra omnes homines warantizabimus adquietabimus et defendemus inperpetuum Et ad majorem securitatem faciendam obligavi me et heredes meos et omnes terras quas habui tunc in villa de Yarum tam de feodo dictorum canonicorum et aliorum et insuper easdem terras tenentes tam ad dictorum quinque solidorum quam ad quattuor solidorum et sex denariorum solucionem si eosdem de supradicto tofto et aliis terris quas de eisdem priore et conventui teneo plenarie percipere non poterunt In cujus rei testimonium huic scripto sigillum meum apposui Hiis testibus domino Willelmo de Levyngton Johanne de la Sale de Yarum Arnuldo le Fungh[] de eadem et aliis Datum apud Yarum in crastino Circumcisionis A D mccxliv

Source Fulltext: Chartulary of the Augustinian Priory of St. John the Evangelist of the Park of Healaugh. J. S. Purvis. Yorkshire Archaeological Society, V.92. Yorkshire Archaeological Society. West Yorkshire Print Co. Wakefield. 1936.