Memorandum quod contencio esset orta inter Willelmum le Swon ex parte una et Ricardum de London[] abbatem et conuentum de Burgo Sancti Petri ex altera super quodam iure quod dixit ad se iure hereditario pertinere racione feodi porcarii eiusdem abbacie uidelicet in quodam mesuagio cum crofto adiacente in le Westegate sicut situm est in longitudine et latitudine inter mesuagium et croftum Johannis Inpry uersus orientem et mesuagium et croftum que Radulphus de Berkamstede tenuit ad terminum uite sue uersus occidentem et extendit se in longitudine a uia regia usque ad riuulum qui currit per latus prati de Burgbyry et in una acra terre arabilis que iacet ultra le Beche inter terram Johannis de Pappele ex parte una et terram Willelmi Coue de Estfeld ex altera et pratum quod iacet iuxta conductum de Burbyry iuxta pratum Symonis le Botiller Demum quesit munimenta nec aliquibus pro disensione sua in premissis inuento uel optento nolens ecclesie Sancti Petri de Burgo in aliquo preiudicium grauari nec predictos dominos suos iniuste pro uiribus offendere mera spontanea uoluntate concessit dimisit et tenore presencium quietum clamauit totum ius et clamium quod habuit uel aliquo modo habere potuit uel se habere dixit in predictis mesuagio crofto prato et omnibus suis pertinenciis tam in corradiis liberacionibus et aliis percepcionibus infra abbaciam uel extra que predixit ad predictos pertinere ita quod nec ipse nec heredes sui nec aliquis nomine suo uel nomine heredum suorum aliquid iuris uel clamei in aliquo predictorum clamere uel exigere poterunt Data apud Burgum anno domini mcc nonagesimo quarto

Source Fulltext: Carte Nativorum, a Peterborough Abbey Cartulary. C. N. L. Brooke and M. M. Postan. Northamptonshire Record Society. Northamptonshire Record Society. Oxford University Press. Oxford. 1960.