Hugo Dei gratis Rothomagensis archiepiscopus r[oberto] decano Sarum totique capitulo Sarum ecclesiae salutem et gratiam Noverit universitas vestra quia nos ex mandato domini Papae imperatricem convenimus ut ipsa Sarum ecclesiae terras quas abstulerat et tenuerat eidem ecclesiae restitueret Ipsa vero in nostra praesentia et communi audientia invasionis peccatum quod in ecclesiam fecerat confessa est et jus ipsius ecclesiae palam recognoscens juxta domini Papae mandatum Canynges et Poterne cum omnibus earum libertatibus et reliquis pertinentiis tam in hominibus quam in terris Deo et Sarum ecclesiae reddidit et in manu venerabilis fratris nostri Jocelini episcopi vestri qui praesens erat praefatas possessiones cum omni libertate et integritate sua manu propria resignavit Firmavit etiam coram nobis et coram tanquam patre suo spirituali quod nec ipsa nec alius quem cohibere possit praenominatas Sarum ecclesiae possessiones ulterius occupabit aut infestabit sed praedictam ecclesiam cum omnibus possessionibus suis in sua libertate et integritate omni posse suo conservabit Facta est autem haec redditio in praesentia nostra et venerabilis fratris nostri Jocelini Sarum episcopi et abbatum Normanniae domini Walteri abbatis S Wandragesili et Ricardi abbatis Troarni et Hamonis abbatis Sancti Petri super Divam et Roberti abbatis de Fonteneio et [willelmi] abbatis Sancti Alcmundi de Salopesberia et Willelmi prioris de Sancta Barbara et Gaufridi Rothomagensis decani et Ricardi Baiocensis decani et aliorum Anno gratiae m C xlviii mense Junio apud Faleisiam

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.