Albertus dignatione divina ecclesiae S Laurentii in Lucina et Th[eoduinus] ecclesiae S Vitalis presbyteri cardinales apostolicae sedis legati dilectis in Christo fratribus Johanni decano Sarum et capitulo necnon universo clero et populo per episcopatum Sarum constituto servite Domino in timore et exultate ei cum tremore Nec inhumanum debet nec inordinatum ab iis qui rite sapiunt judicari si Romana ecclesia erga eos quoque quos diligit aliquid interdum severitatis ostendit cum Scriptura Sacra testatur Flagellat pater omnem filium quem diligit et corripit omnem quem recipit Sane quod erga venerabilem fratrem nostrum Jocelinum episcopum vestrum aliquid videtur exercuisse duritiae non ex eo processit quod super morte sanctissimi Cantuariensis archiepiscopi suspectum eum habuerit vel quod cum in facto illo putaverit deliquisse sed quia pro conscientiis aliorum talem ipsam erga eum apparere oportuit ut possent cuncti manifesto cognoscere quod iniquitatem si comparuisset in sum nequaquam relinqueret impunitam ubi vulgarem forte opinionem in dilecto et devoto suo censuit severius puniendam Iude siquidem fuit quod innocentem eum volens omnibus apparere quartae vel quintae manus ei purgationem indixit et tam super morte praenominata archiepiscopi quam super literis pro corona filii regis differenda transmissis juramento eum innocentiam suam expurgare mandavit Quia igitur hujus rei nobis delegata est executio nos juxta mandatum domini papae purgationem ipsius cum quatuor aliis personis idoneis manifeste recepta vice ipsius in plenitudinem sum pontificalis officii restituimus et ad vos omni super his infamiae nota purgatum cum nostrarum testimonio remittimus literarum Vos igitur eum reverenter et devote recipite et sicut patri et episcopo vestro obedientiam et honorem humiliter exhibete

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.