Universis sanctae matris ecclesiae filiis Rogerus Dei gratia Wigornensis ecclesiae minister salutem Manifestae improbitatis est litem judicio decisam in quaestionem deducere et per quietis impatientiam controversias sopitas in nova litigia succitare Unde omnium cognitioni duximus innotescendum nos ex prima commissione Alexandri Papa iii causae decisionem quae vertebatur inter dilectum nostrum Ricardum Barre [eliensem] archidiaconum Sarum ecclesiae canonicum et Alanum de Husseburne super ecclesia de Burbache quae ad praebendam Sarum spectare dinoscitur appellatione cessante per manus ejusdem Alani contra venerabilem fratrem nostrum Jocelinum Sarum episcopum et nomine non expresso contra ipsum qui ecclesiam non tenebat Ricardum scilicet [eliensem] archidiaconum et deinde ex secunda commissione pro eodem archidiacono literas domini papae ab ipso archidiacono suscepisse Cujus causae prosecutioni cum debita diligentia insistentes post litem solempniter contestatam praescriptae causae merita longa deliberatione et districta veritatis inquisitione examinavimus Demum elapso fere biennio post plurima edicta peremptoria per ampliora quam canones et leges indulgeant intervalla constituta diem peremptorium partibus praefiximus ad quem memoratus Alanus non venit nec pro se responsalem dirigere curavit Cum itaque prius de causa hac dicta sufficienter esset altercatum et publicatis attestationibus dictioni in testes et dicta testium utrobique esset renunciatum assidentibus nobis venerabilibus fratribus nostris Roberto [foliot] Herefordensi et Petro Menevensi episcopis et aliis plurimis viris discretis et honestis tam ecclesiam Sarum quam praefatum archidiaconum ejusdem ecclesiae canonicum a petitione Alani praenominati super ecclesia de Burbache per sententiam absolvimus et eidem Alano super ipsa ecclesia perpetuum silentium auctoritate apostolica freti imposuimus Ne igitur temerariae praesumptioni cujusquam revocare aut quolibet modo perturbare [possit] quod cum tanta solempnitate et summae sedis auctoritate constat esse stabilitum quod diffiniendo statuimus sigilli nostri appositione communimus Promulgata autem est haec sententia anno Verbi Incarnati m C lxxvii apud Legam prope Wigorniam xviii Kal Decembris Testibus Roberto capellano nostro Samsone Roberto monacho magistro Silvestro clericis nostris Radulfo Foliot et Willelmo de Stoche et magistro Eustachio clericis domini Herefordensis magistro Erardo magistro Ivone Cornubiae magistro Radulfo Lumbard magistro Henrico de Rowelle Ada filio praepositi de Wygornia

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.