Notum sit omnibus sanctae matris ecclesiae filiis tam futuris quam praesentibus quod cum inter Hubertum Sarum episcopum et ecclesiam Sarum et Willelmum abbatem de Syreburne et ejusdem loci conventum querela mota fuisset auctoritate apostolici mandati de praebenda de Syreburne et de terra de Kingestone quae dicebatur aliquando concessa ecclesiae Sarum in praebendam et de residentia facienda in ecclesia Sarum nomine praedictae preabendae de Syreburne tandem inter memoratum abbatem et conventum de Syreburne et procuratores praefati H Sarum episcopi scilicet Jordanum decanum Sarum et H abbatem Radingensem et magistrum Bartholomeum et magistrum Symonem de Scalis ad hoc constitutos per literas prius dicti Huberti Sarum episcopi patentes et continentes eum ratum habiturum quicquid illi praefati procuratores super praefata querela facerent sive agendo sive defendendo sive componendo sub hac forma pacis de saepedicta querela amicabilis compositio facta est in perpetuum valitura Praefatus siquidem abbas et conventus de Syreburne unanimi consensu et voluntate dederunt et concesserunt venerabili domino et patri suo in Christo reverendissimo Huberto Sarum episcopo et successoribus suis et ecclesiae Sarum ecclesiam de Lym et ecclesiam de Halgestoke in perpetuum cum omnibus pertinentiis suis et advocatione [et] omni alio jure quod in eis habuerunt sine aliquo retenemento ad faciendam de eis unam praebendam in ecclesia Sarum in honore Dei et gloriosae Virginis Mariae Concesserunt etiam praefatus abbas et conventus de Syreburne quod memoratus Hubertus episcopus et successores sui plenam habeant disponendi potestatem de memoratis ecclesiis et earum pertinentiis et assignandi eas cui voluerint in praebendam non requisito de caetero eorum consensu ut canonicus cui praefatae ecclesiae assignatae fuerint in praebendam et successores sui habeant et possideant praetaxatas ecclesias cum omnibus ad eas pertinentibus et pleno earum jure ita plene et quiete et libere sicut ab aliquo liberius et quietius et plenius haberi possunt Praenominati vero procuratores Huberti Sarum episcopi inspecta paupertate et indigentia monasterii de Syreburne divinae pietatis intuitu et auctoritate domini Huberti Sarum episcopi concesserunt et confirmaverunt domino Willelmo abbati et conventui de Syreburne et successoribus suis ut liceret eis omnes fructus et utilitates ecclesiarum de Stapilbrige et de Stokes in usus proprios convertere cum eas primo vacare contigerit salva rationabili sustentatione vicariorum perpetuorum qui in eis ministrabunt salvis in omnibus episcopalibus consuetudinibus et ut interim liceret praefato abbati et conventui de Syreburne percipere de ecclesia de Stapelbrige c solidos annuatim donec illam vacare contigerit et cum ecclesia de Corscumbe vacaverit liceat eis percipere annuatim nomine pensionis duas marcas salvis in omnibus praefatis ecclesiis episcopalibus consuetudinibus Saepedicti etiam procuratores remiserunt praenominate W abbati et conventui de Syreburne querelam

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.