Haec est concordia facta inter dominum Herbertum Sarum episcopum et Stephanum Tirell de tota terra de Cerdestok et de Cumpton cum pertinentiis quas clamavit versus episcopum praedictum per breve domini regis scilicet quod praedictus Stephanus Tirell quietum clamavit et abjuravit totum jus quod se dicebat habere in praefatis maneriis de Cerdestoke et de Cumptona ecclesiae beatae Mariae Sarum et Herberto ejusdem loci episcopo et successoribus suis de se et haeredibus suis in perpetuum tam in ecclesiis capellis servitiis militum francellanorum libere tenentium dominicis et servitiis villanorum quam in omnibus aliis rebus ad praedicta maneria pertinentibus Et pro hac quieta clamantia praedictus episcopus remisit praedicto Stephano Tirell unam hydam terrae quae dicitur Milnehale [et de terra de Alwoldestone] cum pertinentiis per liberum servitium dimidii feodi militia Ita quod de illa terra de Milnehale et de terra de Alwoldestone quam prius tenuit de episcopo debet facere episcopo et successoribus suis plenum servitium feodi unius militia Ita tamen quod episcopus et homines sui habebunt communem pasturam in praefata hyda de Milnehale sicut prius habuerunt salvo etiam eo quod dictus episcopus dominium fualliae in praefata hida sibi retinuit ita quod Stephanus et homines sui per visum servientis domini episcopi de praefata fuallia necessaria habebunt Hiis testibus Symone de Perci Willelmo filio Roberti Radulpho de Winesham W de Vallibus Galfrido de Perci R W T H W R et multis aliis

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.