Omnibus sanctae matris ecclesia filiis de Ambresbyri et de Monasterio Hederoso priores et decanus de Wilton salutem in Domino Noverit universitas vestra nos mandatum domini papae in haec verba suscepisse [...] Cum igitur hujus auctoritate mandati causa coram nobis verteretur inter magistrum Rogerum praecentorem Sarum ex una parte et magistrum R de w[o]rthe ex altera super tertia parte decimarum tam majorum quam minorum provenientium de terra quae vocatur Kinglande quae sita est infra limites parochiae de Westbire quas idem Ricardus et praedecessores sui nomine ecclesiae de Northintone quae est praebenda una monasterii de Wiltone ex antiquo percipere consueverant tandem lis inter eos mota coram nobis hoc fine amicabili conquievit videlicet quod dictus praecentor et omnes successores sui nomine ecclesiae de Westbire praedictas decimas cum integritate in perpetuum possidebunt solvendo inde annuatim dicto magistro Ricardo et successoribus suis nomine ecclesiae praedictae de Northintone xxxi solidos legalium sterlingorum ad quatuor anni terminos scilicet ad Pascha vii solidos et ix denarios ad Pentecosten vii solidos et ix denarios ad festum S Johannis Baptistae vii solidos et ix denarios ad festum S Michaelis vii solidos et ix denarios Ad hoc fideliter observandum praedictos magistrum Rogerum et successores suos item magistrum Ricardum et successores suos episcopus dioceseos remota appellatione compellet qui se jurisdictioni ejusdem dioceseos in hac parte pro se et successoribus suis qui pro tempore fuerint subjecerunt privilegio fori et appellationi necnon et omni cavillationi renunciantes Huic compositioni reali et perpetuis temporibus valiturae partiumque fidei interpositione firmatae fideliter observandae et sine dolo apposita sunt ad majorem rei securitatem una cum sigillis nostris ac sigillis partium signa reverendi patris R Sarum episcopi ac ejusdem ecclesiae capituli necnon abbatissae et conventus de Wiltone monasterii Facta est autem haec conventio tertio nonas Julii apud Sarum anno undecimo pontificatus Ricardi episcopi Sarum His testibus magistro Willelmo de Wande tunc decano Sarum et aliis

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.