[]universis Christi fidelibus ad quos praesens scriptum pervenerit magister Willelmus de Merton archidiaconus Berksyre Stephanus archidiaconus Wiltesire et magister Elyas de Derham salutem Noveritis quod cum inter Walterum rectorem ecclesiae de Cumptone Basset et magistrum Eadmundum thesaurarium Sarum rectorem ecclesiae de Kalne coram magistris Wicardo Wether[shed] Sancti Pauli et h[] de Arcubus London decanis et g[alfrido de Lucy] archidiacono London auctoritate literarum domini [episcpopi] causa verteretur super jure funerandi quod supradictus Waltertis dicebat ad ecclesiam suam de Cumptone pertinere tandem partibus se subjicientibus ordinationi nostrae qui a venerabili patre domino Ricardo Sarum episcopo fuimus deputati hoc amicabili fine nobis ordinantibus lis conquievit videlicet quod omnes parochiani de Cumptone futuris ac perpetuis temporibus in cimiterio de Cumptone sepeliantur absque omni contradictione et reclamatione et calumnia rectoris ecclesiae de Kalne qui pro tempore fuerit qui quidem sibi vel ecclesiae suae nihil juris aliquo tempore vendicare poterit in ecclesia de Cumptone vel sepultura alicujus parochiani illius ecclesiae vel in oblationibus quas ecclesia de Kalne ratione sepulturae parochianorum de Cumptone percipere solebat ante litem motam occasione praenotati juris funerandi quod ecclesia de Kalne [habere consuevit Sed ne ecclesia de Kalne ex hoc sentiat jacturam is qui pro tempore fuerit rector ecclesiae de Cumptone persolvet ecclesiae de Kalne] duos solidos annuos in duobus anni terminis scilicet in festo Assumptionis beatae Mariae virginis duodecim denarios et in festo Annunciationis Dominicis xii d Rector autem ecclesiae de Kalne sine omni contradictione personae de Cumptone percipiet decimas duorum molendinorum domini Alani Basset et duas acras bladi ejusdem Alani quas ante litem motam dicta ecclesia de Kalne percipere consuevit nomine decimarum Et ut firmum et stabile in perpetuum perseveret confecta sunt super hoc tria instrumenta signata sigillis supradicti episcopi et capituli Sarum et nostris insuper et sigillis partium quorum unum remanebit ecclesiae de Cumptone secundum ecclesiae de Kalne tertium autem depositum erit in thesauraria Sarum in perpetuam hujus ordinationis memoriam actum apud Sarum non Julii anno gratiae m cc xxviii

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.