Universis sanctae matris ecclesiae filiis ad quos praesens scriptum pervenerit Robertus miseratione divina Sarum ecclesiae minister humilis salutem aeternam in Domino Ad universitatis vestrae notitiam volumus pervenire nos volentes gratiam ab illustri rege Angliae Henrico filio regis Johannis venerabili praedecessori nostro Ricardo tunc Sarum episcopo et successoribus suis pie et laudabiliter factam de amerciamentis decani et omnium canonicorum ecclesiae Sarum et omnium hominum suorum et terrarum et feodorum eorundem et communae suae coram justitiariis itinerantibus provenientibus et de catallis fugitivorum suorum et omnium hominum suorum qui pro delicto suo vitam vel membra debeant amittere vel fugerint et judicio stare noluerint vel aliud quodque delictum fecerint pro quo debeant catalla perdere quae ad dominum regem vel haeredes suos vel ad vicecomitem vel constabularios vel forestarios vel ad alios ballivos suos pertinere possent in pios et salubres usus convertere ipso domino rege affectante decano et capitulo nostro consentiente et approbante pro salute animae nostrae et successorum nostrorum dedisse concessisse et hac praesenti carta nostra confirmasse in perpetuum pro nobis et successoribus nostris omnia praefata amerciamenta et catalla sicut praedictum est fabricae ecclesiae Sarum et ad sustentationem et conservationem ejusdem fabricae adeo integre et libere sicut memorato episcopo Ricardo et successoribus suis per cartam ipsius domini regis Henrici sunt concessa Ita quidem quod praedicta amerciamenta et catalla per decanum et capitulum Sarum salvo colligantur et ad praedictos usus sine difficultate liberentur vel demum per episcopum qui pro tempore fuerit si praedicti decanus et capitulum negligentes et remissi inveniantur salvo colligantur et in praefatos usus tradantur Ita tamen quod nullus canonicus in dignitate vel extra constitutus cum executio praedictorum fuerit facienda subterfugiat vel occasiones quaerat quominus praedicta executio compleatur Et in hujus concessionis majorem certitudinem die Veneris proxima ante Cathedram Sancti Petri pontificatus nostri anno vii unam marcam argenti de praedictis amerciamentis et catallis receptam in majori ecclesia Sarum super majus altare gratis et liberaliter obtulimus tunc ibidem praesentibus domino Willelmo decano magistris Rogero praecentore Roberto [de Hertford] cancellario Willelmo [de Preston] archid Berksyre Ada sub decano Rogero succentore Roberto de Lexintone Nicholao de Wadinham Radulfo de Govishale tunc officiali Thoma de Eblesburne Ricardo de Cnolle Henrico Tessun Elia de Derham Galfrido penitentiario Henrico de Sancto Edmundo Stephano de Mannecestre Willelmo de Len dominis Will de Cumbe Elia Ridel ejusdem ecclesiae canonicis Dat apud Poterne per manum Walteri de la Wile capellani nostri tertiodecimo kal Martii pontificatus nostri anno septimo

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.