Omnibus Christi fidelibus praesentes literas inspecturis vel audituris magister Walterus de Fissertone et Johannes de Axemue auctoritate prioris de Sancta Margareta et decani de Merleberg judicum a domino papa delegatorum cognoscentes tertio judice legitime excusato salutem in Domino Mandatum domini papae nobis per principales judices praedictos transmissum suscepimus in haec verba [...] Cum igitur auctoritate praedictorum judicum inter magistrum Elyam de Derham canonicum Sarum nomine praebendae suae de Lavintone ex una parte et priorem et monachos de Duobus Gemellis ex altera super decimis sitis in parochia sua de Lavintone quae proveniunt de dominico Matthaei Husee Ricardi Burdun et Humfridi Escuville quod habent in villa de Litlintone quae sita est in parochia de Lavintone quaestio verteretur tandem dicto magistro Elya in praesentia nostra personaliter constituto dictis priore et monachis de Duobus Gemellis per priorem de Syreburne Winton dioces ad componendum et transigendum super praemissis decimis procuratorem legitime constitutum comparentibus hujusmodi inter partes amicabilis compositio intercessit videlicet quod procuratore praedictorum prioris et monachorum sponte cedente quaestioni et juri ac possessioni dictarum decimarum si jus vel possessionem habebant in eisdem vel forte habere videbantur nomine eorum cum impetratis et de caetero impetrandis penitus renuntiante promisit praefatus magister Elyas pro se et successoribus se nomine pacis perpetuae decem solidos annuos memoratis priori et monachis vel eorum procuratori certo in festo Sancti Egidii apud Lavintone soluturum ita quod nullo unquam tempore dicti prior et monachi plus quam decem solidos annuos occasione dictarum decimarum vel alicujus ad easdem accessorii poterunt vendicare vel aliquo uti remedio per quod praesens compositio in toto vel in parte revocetur Ut autem haec compositio reale robur et perpetuum obtineat dominus Robertus Sarum episcopus Robertus decanus et capitulum Sarum huic scripto una cum sigillis nostris et sigillis partium sigilla sua apponi fecerunt Actum apud Sarum in crastino Sancti Laurentii anno Domini m cc xxxix

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.