Venerabilibus viris et dominis in Christi carissimis domino Roberto decano et capitulo Sarum Alexander prior et conventus Syreburne salutem et cum orationum suffragiis reverentiam et honorem Cum venerabilis in Christo pater dominus r[obertus] Dei gratia Sarum episcopus qui fratri Johanni Dei gratis electo nostro diem beati Thomas apostoli anno gratiae m cc xlii ad benedictionis munus recipiendum in majori ecclesia Sarum assignaverat pergravi et manifesta sui corporis debilitate ad diem et locum accedere non valeat supradictos quia propter dispendia ex dilatione benedictionis praedictae monasterio nostro imminentia nostris precibus inclinati nobis de speciali gratia indulsistis ut non obstante constitutione synodali qua cavetur ne alicui abbati vel abbatissae Sarum dioceseos extra cathedralem ecclesiam Sarum benedictionis munus impendatur praefatus electus noster tam pro urgenti necessitate apud Remmesbire benedictionem recipiat ista vice Nos cupientes dignitates et constitutiones ecclesiae Sarum matris nostrae servare per omnia illibatas protestamur et confitemur quod ex hac gratia nihil juris vel quasi possessionis nobis et successoribus nostris adquirere intendimus per quod dicta constitutio de caetero offendatur Et in hujus rei testimonium praesens scriptum sigilli nostri munimine fecimus roborari Dat apud Syreburne anno Domini m cc xlii in festo beati Nicholai

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.