Cum dominus Herbertus canonicus Sarum rector ecclesiae de Bedewinde traxisset in causam magistrum ordinis de Sempringham et priorem sanctae Margaretae de Merleberge ejusdem ordinis coram magistro Roberto de Careville tunc domini Sarum officiali petendo ab eisdem quasdam decimas scilicet majores et minores pro duabus portionibus de dominico domini Johannis de Neville in Graftona exceptis duabus acris de frumento quas ipse integre percipit de dicto dominico quas quidem decimas dictus Herbertus infra limites parochiae suae de Bedewinde sitas asseveravit iccirco easdem nomine ecclesiae suae vendicavit tandem lis inter eos mota de consensu partium et memorati officialis amicabili compositione in hunc modum conquievit anno Domini m cc xlv scilicet quod praedictus Herbertus rector praedictae ecclesiae de Bedwynde petitionem suam super decimis praedictis tam majoribus quam minoribus institutam pro se et pro ecclesia sua de consensu episcopi et capituli Sarum in perpetuum funditus remisit et dictus prior Sanctae Margaretae et caeteri priores qui pro tempore fuerint ibidem pro bono pacis matrici ecclesiae de Bedewinde duos solidos annuos in perpetuum in festo Nativitatis beati Johannis Baptistae sine aliqua contradictione persolvent Et si aliquis dictorum priorum sanctae Margaretae de Merleberge a solutione dictorum duorum solidorum in termino praedicto cessaverit licebit rectori ecclesiae de Bedewinde qui pro tempore fuerit dictum priorem de Merleberge et caeteros priores qui pro tempore fuerint ibidem per sequestrationem dictarum decimarum usque ad plenam solutionem dictorum duorum solidorum sine contradictione compellere Ut autem haec compositio in perpetuum maneat et stabilis et realis censeatur dictus magister ordinis de Sempringham sigilli sui impressione una cum impressione sigilli domus sanctae Margaretae de Merleberge ejusdem ordinis praesentem paginam dignum duxerint corroborandam Datum apud Sempringham anno Domini m cc xlvi mense Junio Teste Deo et capitulo de Sempringham

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.