Omnibus Christi fidelibus praesens scriptum visuris vel audituris Matildis de la Mare Dei gratia abbatissa de Wiltone et ejusdem loci conventus salutem in Domino Cum dominus Robertus de Hertford decanus ecclesiae Sarum zelo devotionis accensus nos saepius interpellando devotissime nobis supplicaverit quod de bonis monasterii nostri concederemus eidem in perpetuum in praefata ecclesia Sarum pro anima sua et animabus benefactorum suorum et omnium fidelium defunctorem sine laesione vel jactura ecclesiae nostrae communicato consilio capituli nostri et virorum prudentum pium ejus affectum attendentes unanimi consensu concessimus eidem quod in perpetuum solvemus illi quam diu vixerit et assignatis suis post mortem suam in dicta ecclesia Sarum videlicet subdecano vel succentori vel communario Sarum qui pro tempore fuerint quinque marcas annuatim ad sustentationem dicti servitii ad duos anni terminos scilicet ad Pascha duas marcas et dimidiam et ad festum S Michaelis proximo sequens duas marcas et dimidiam sine difficultate aut dilatione aliqua dictis terminis et loco et personis solvendas Et ne nos vel successores nostrae seu monasterium nostrum ex hac concessione aliquam in posterum sentiamus laesionem vel jacturam dictus dominus Robertus decanus solvit nobis in capitulo nostro centum marcas in perpetuam utilitatem monasterii nostri per dispositionem nostram convertendas Et si quod absit a solutione dictae pecuniae et praedictum est terminis statutis defecerimus subjecimus nos et successores nostras in perpetuum jurisdictioni et coercioni decani cancellarii et subdecani Sarum vel alicujus eorum qui pro tempore fuerint vel fuerit ut ipsi vel unus eorum nos per censuram ecclesiasticam vel quocunque alio modo sibi melius viderint vel viderit expedire sine strepitu judiciali ad solutionem praedictam una cum expensis ob hoc factis si necesse fuerit compellant vel compellat renunciantes omnibus impetratis et impetrandis quae nobis possint prodesse et dicto decano vel suis assignatis sive assignato in posterum obesse et omni juris remedio Ut haec autem nostra concessio perpetuae firmitatis robur obtineat eidem sigilla nostra autentica duximus apponenda Datum apud Wyltone quinta feria post Annunciationem Dominicam anno gratiae m cc quinquagesimo sexto His testibus Nicholao de Lakinges subdecano Waltero de la Wile succentore Sarum magistro Willelmo de Ludintone ejusdem loci canonico Johanne de Ambresberi Michaele de Lutlingtone et Elia de Stoctone vicariis Sarum et multis aliis tam canonicis quam vicariis ecclesiae Sarum

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.