Omnibus hoc scriptum visuris vel audituris Simon prior de Brommore salutem in Domino Noverit universitas vestra quod nos pro nobis et successoribus nostris in perpetuum concessimus et praesenti scripto nostro confirmavimus decano Sarum qui pro tempore fuerit et ejusdem loci capitulo singulis annis in perpetuum decem marcas annuas eisdem apud Sarum solvendas scilicet infra octabas beati Michaelis quinque marcas infra octabas Paschae quinque marcas ad sustentationem cujusdam capellani qui in ecclesia cathedrali Sarum pro anima bonae memoriae Willelmi quondam Sarum episcopi divina in perpetuum celebrabit necnon ad sustentationem luminaris quod idem episcopus in eadem ecclesia statuit inveniri Volumus insuper et pro nobis et successoribus nostris concedimus quod praedicti decanus et capitulum si in solutione praedicta quod absit defecerimus licite et absque contradictione nostra vel nostrorum possint ingredi omnes terras redditus tenementa et possessiones nostras quocunque nomine censeantur infra diocesim Sarum et ea in manu sua retinere non obstante aliqua impetratione super hoc facta vel facienda donec eisdem tam de dicta pecunia quam de damnis quae ob defectum solutionis sustinuerint plenius fuerit satisfactum Volumus etiam et concedimus pro nobis et successoribus nostris quod episcopus Sarum qui pro tempore fuerit cujus jurisdictioni nos supposuimus in hac parte ad praedictam solutionem una cum damnis fideliter faciendam nos et successores nostros secundum quod eisdem decano et capitulo magis videret[ur] expedire per censuram ecclesiasticam absque aliquo strepitu judiciali possit compellere Concessimus etiam eisdem decano et capitulo quod nos et successores nostri singulis annis in perpetuum obitum ipsius episcopi in ecclesia nostra de Brommora solemniter celebrari faciemus Et praeterea concessimus quod ad voluntatem ipsorum decani et capituli per summonitionem veniemus in curiam domini regis et ibidem omnia praedicta secundum quod melius et securius eis de praedictis provideri poterit ad custum nostrum finali concordia terminabimus Pro hac autem concessione et confirmatione praedicti decanus et capitulum ad emendationem domus nostrae dederunt nobis prae manibus duodecies viginti marcas de pecunia praedicti episcopi quam in testamento suo ad praedicta sustinenda eisdem decano et capitulo assignavit Ad haec autem omnia fideliter facienda in forma praedicta observanda nos pro nobis et successoribus nostris tactis sacrosanctis evangeliis juravimus et ad majorem securitatem huic scripto sigillum capituli nostri apposuimus His testibus domino aegidio Dei gratia Sarum episcopo r[adulfo Hecham] cancellario Sarum r[oberto de Careville] thesaurario n[icholao de Laking] subdecano w[altero de la Wile] succentore n[icholao de Selby] archidiacono Wiltesyre magistro Radulfo de Eboraco magistro W de Ludintone Thoma de la Wile domino Martino de Litilbyre Johanne de Holteby Rogero de la Grene canonicis Sarum et aliis

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.