Viris venerabilibus et discretis R decano et capitulo Sarum Thomas de Ferr[eby] salutem et debitam ac devotam in omnibus reverentiam ac obedientiam Quoniam variis et inopinatis praepeditus negotiis in ecclesia cathedrali Sarum electioni per Dei gratiam faciendae die Sancti Vincentii martiris anno Domini m cc lx secundo personaliter interesse non possum dilectos in Christo fratres et concanonicos magistrum g[ilbertum] de Byham et Radulphum de Eboraco procuratores meos sub alternatione constituo ratum habiturus et gratum quicquid alter eorum in negotia dictae electionis nomine meo duxerit faciendum In cujus rei testimonium has litteras meas vobis mitto patentes Datum apud Rowell die Mercurii proxima [post] festum Sancti Hyllarii anno praedicto

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.