Reverendo in Christo patri et domino semper venerando r[oberto Kilwardby] Dei gratia Cantuar archiepiscopo totius Angliae primati sui humiles et devoti capitulum Sarum salutem et cum omni subjectione reverentiam debitam et devotam Noverit reverentia vestra quod nos dilectos fratres et concanonicos nostros magistros w[illelmum de Schireborne] subdecanum nostrum et c[onstantinum de Mildenhall] archidiaconum Sudburiensem procuratores nostros unanimiter constituimus et concorditer ordinamus ad munus consecrationis domini [roberti de Wykehampton] electi nostri concorditer a vobis implorandum et per Dei gratiam obtinendum et ad caetera omnia nos et ecclesiam nostram ratione dicti domini [roberti] electi nostri contingentia prosequenda ratum habentes et acceptum quicquid per dictos procuratores vel eorum alterum actum fuerit in hac parte Quocirca dominationi vestrae omni qua possumus devotione supplicamus cum quanta possumus instantia postulantes quatinus desolationi nostrae compatientes et damnis et periculis quotidianis tam in spiritualibus quam temporalibus ecclesiae nostrae Sarum incumbentibus sicut vos velle confidimus occurrentes confirmationem de dicto electo nostro canonice celebratam munere consecrationis dignemini roborare In hujus autem procuratorum nostrorum constitutionis et ordinationis fidem et testimonium praesens scriptum sigilli capituli nostri munimine fecimus roborari Dominus per tempora longa vos conservet Datum in capitulo nostro Sarum die Martis proxima post festum Sancti Gregorii papae anno gratiae m cc lxx secundo

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.