Omnibus sancte matris ecclesie filiis presens scriptum visuris vel audituris frater Henricus dictus abbas Ruffordie et eiusdem loci conventus salutem in domino Noveritis nos concessisse et ad firmam dimisisse Roberto filio Willelmi Smythysune de Bradewelle sex acras terre arabilis in territorio de Abbeneye cum Abbeneycroft tenend et habend dicto Roberto et heredibus suis vel assignatis de nobis et successoribus nostris libere quiete et pacifice cum communi pastura et omnibus aliis aysiamentis ad dictam terram et dictum croftum pertinentibus usque ad finem viginti annorum plene completorum primo anno inchoante ad festum sancti Martini in anno domini millesimo ducentesimo nonagesimo primo reddendo inde annuatim nobis et successoribus nostris septem solidos argenti et legalis monete ad duos anni terminos videlicet ad Pentecosten tres solidos et sex denarios et ad festum sancti Martini in hyeme [tres solidos et vi Denarios] ita quod solvet pro nobis debitum servicium domino regi scilicet procurabit unum hominem apud Bradewelle ad metendum per unum diem annuatim in autumpno et in quadragesima arabit per alium diem Et sciendum quod non licebit dicto Roberto nec heredibus suis aut assignatis aliquid de predicta terra vel [crofto] predicto crofto vendere invadiare vel aliquo modo alienare quo minus aut tardius annuam firmam nostram ad dictos terminos possimus percipere set ipsi per se ea manutenebunt et colent Nec etiam licebit dicto Roberto aut heredibus suis vel assignatis aliquo modo edificia que super predictam terram vel croftum construxerint destruere aut inde removere set constructa in eodem loco stabiliter permanebunt Et tam ipsa edeficia quam prefata terra cum crofto post finem viginti annorum in manus nostras libere et sine contradictione vel calumpnia dicti Roberti vel heredum suorum seu assignatorum revertentur Si autem nobis placuerit post finem dictorum viginti annorum predictam terram et croftum cum edificiis ibidem constructis alicui seculari ulterius ad firmam dimittere prefatus Robertus et heredes sui sive assignati propinquiores erunt ad tenend omnia prenominata quam quilibet alii Et in testimonium et confirmacionem huius convencionis utrobique [fideliter] observande partes alternatim presenti scripto sigilla sua apposuerunt

Source Fulltext: Rufford Charters. C. J. Holdsworth. Thoroton Society Record Series, V.29. Thoroton Society of Nottinghamshire. Derry & Sons. Nottingham. 1972.