Anno gracie millesimo cc xl quarto in festo apostolorum Philipi et Jacobi convenit inter priorem et canonicos de Thurg[] ex una parte et Philipum filium Philipi de Timb[] ex altera videlicet quod predicti prior et canonici pro se et pro suis successoribus remiserunt et quietumclamaverunt dicto Philipo et heredibus suis omnem accionem decimacionis faciende de dominico bosco suo de Timb[] Et pro hac remissione et quietaclamacione dedit et presenti scripto confirmavit dictus Philipus pro se et heredibus suis dictis priori et canonicis unam acram terre arabilis in teritorio de Timb[] videlicet unam rodam et dimidiam in australi campo inter Ranulfum de Bergat[] et Eustachium Caperon et duas rodas et dimidiam in northcampo in Linglandes inter dictum Philipum et Walterum filium Walchefi Preterea dictus Philipus dictis canonicis dedit et presenti scripto confirmavit unum selionem propinquiorem curie sue de Timb[] in Estcroft[] juxta Walterum filium Walthefi in excambium unius selionis juxta Renfure videlicet selionis propinquioris aquilonis de tribus selionibus quos dicti canonici habuerunt de dono Philipi patris dicti Philipi Istam convencionem predictam fideliter ex utraque parte tenend et warantizacionem omnium predictorum contra omnes homines clericos et laycos ex utraque parte et pro utraque parte faciendam et tenend predicte partes mutuo assensu et voluntate sigillis suis alternatim appensis etc

Source Fulltext: Thurgaton Cartulary. T. Foulds. Paul Watkins Medieval Studies, 8. Paul Watkins. Stamford. 1994.