Universis Christi fidelibus ad quos presens scriptum pervenerit Willelmus dei gracia Coventr[] episcopus salutem graciam et benediccionem Cum honesta religiosorum vota pio sint favore prosequenda nos attendentes dilectorum filiorum nostrorum in Christo prioris et monachorum de Tuttesbir[] honestam conversacionem et in hospitalitate sectanda ferventem devocionem divine pietatis et misericordie intuitu dedimus et concessimus eisdem totam ecclesiam sancti Johannis de Matherfeld[] cum omnibus capellis et pertinenciis suis in usus proprios habend et possidendam ita scilicet quod de auctoritate nostra liceat eis ingredi tam in matrem ecclesiam quam in ejus capellas et pacifice possidere cum eas vacare contigerit Concessimus eciam eisdem ut tam in dicta ecclesia quam in ejus capellis per ydoneos capellanos honeste faciant ministrari Salvo nobis et successoribus nostris jure episcopali et parochiali Ut autem hec nostra donacio concessio et confirmacio inperpetuum firmitatis robur optineat presentem cartam sigilli nostri apposicione duximus roborandam Hiis testibus Domino H abbate de Derleya etc

Source Fulltext: The Cartulary of Tutbury Priory. Royal Commission on Historical Manuscripts Joint Publication, 2. A. Saltman. Collections for a History of Staffordshire. H.M.S.O. London. 1962.