Omnibus Christi fidelibus hoc presens scriptum visuris vel audituris Rogerus miseracione divina Coventr[] et Lich[] episcopus salutem in domino sempiternam Cum juxta apostolum omnibus simus debitores et dum tempus bonum ad omnes operari teneamur maxime viris religiosis sancte conversacionis et hospitalitatem ferventi devocione sectantibus ex officii nostri debito debemus benefacere quatinus stipendiis necessariis ditati sic deo militent ut necesse non habeant negociis secularibus implicari Ea propter cum dilecti in Christo filii prior et conventus de Tuttesbir[] ecclesiam de Matherfeld[] cum suis capellis de Wettindon[] et de Buttrindon[] in qua jus patronatus habere dinoscuntur spontanea eorum voluntate nostre ordinacioni submisissent considerantes religionem et honestatem eorumdem domini habentes pre oculis sic de eadem ecclesia cum suis capellis duximus ordinandum videlicet quod cedente vel decedente rectore dicte ecclesie de Matherfeld[] prefati prior et conventus de Tuttesbir[] habeant et teneant ipsam ecclesiam cum suis capellis et omnibus suis pertinenciis in proprios usus inperpetuum reddendo de bonis ejusdem ecclesie annuatim Lich[] ecclesie in augmentum commune canonicorum decem marcas argenti apud Lich[] in festo pasche Salva in eadem ecclesia vicaria sexdecim marcarum cum manso competenti per nos vel successores nostros taxanda et in certis dicte ecclesie proventibus ordinanda Ad quam successive semper cum vacaverit dicti prior et conventus capellanum ydoneum loci diocesano presentabunt qui per ipsum admissus instituetur vicarius in eadem Vicarius vero ejusdem ecclesie qui pro tempore fuerit dicte matrici ecclesie de Matherfeld[] et sepedictis capellis tum per se tum per alios capellanos et ministros honestos et ydoneos faciet suis sumptibus deserviri et omnia alia honera ordinaria debita et consueta dictam ecclesiam cum suis pertinenciis contingencia sustinebit Salvis in omnibus nobis et successoribus nostris in memorata ecclesia cum suis capellis jure pontificali et parochiali et ecclesiarum nostrarum Coventr[] et Lich[] auctoritate Et ut hec nostra ordinacio perpetue firmitatis robur optineat presens scriptum sigilli nostri munimine fecimus roborari Hiis testibus etc Dat apud Heywde ii Kalend Aprilis anno domini m cc 1 tercio

Source Fulltext: The Cartulary of Tutbury Priory. Royal Commission on Historical Manuscripts Joint Publication, 2. A. Saltman. Collections for a History of Staffordshire. H.M.S.O. London. 1962.