Omnibus sancte matris ecclesie filiis ad quos presens scriptum pervenerit Robertus de Ferr[] comes Derb[] advocatus prioratus Tuttebur[] salutem in domino sempiternam Noveritis nos pro salute anime nostre omniumque antecessorum et successorum nostrorum concessisse Galfrido priori et conventui Tuttesbir[] ac eorum successoribus imperpetuum quod nos nec heredes nostri in dicto prioratu membris vel ejus pertinenciis aliquo tempore quocumque priore vivente vel tempore vacacionis vel in creacione prioris de bonis vel rebus ad dictum prioratum pertinentibus de cetero aliquid vendicabimus exigemus vel percipiemus nisi ex mera gracia predictorum prioris et conventus nobis fuerit oblatum vel collatum Pro hac autem concessione et quieta clamacione remiserunt nobis dicti prior et conventus omnimodas acciones et contenciones quas contra nos in curia domini regis habuerunt et prosecuti fuerunt In cujus rei testimonium presens scriptum sigilli nostri munimine roboravimus His testibus dominis Thoma de Ferr[] cancellario Lich[] ecclesie Roberto de Veteri Ponte Nicholao de Segrave Hugone de Meynil Petro de Bakepuz Henrico de Bakepuz Stephano de Myneriis militibus Nicholao de Marham Galfrido Maltel Henrico de Mapelton[] et aliis Datum apud Tuttebur[] in vigilia sancti Michaelis anno regni regis Henrici filii regis Johannis quadragesimo septimo

Source Fulltext: The Cartulary of Tutbury Priory. Royal Commission on Historical Manuscripts Joint Publication, 2. A. Saltman. Collections for a History of Staffordshire. H.M.S.O. London. 1962.