Omnibus sancte matris ecclesie filiis hoc presens scriptum visuris vel audituris Robertus de Ferr[] filius et heres nobilis viri domini Willelmi de Ferr[] quondam comitis Derbeye salutem in domino sempiternama Sciatis me concessisse et hac presenti carta mea confirmasse deo et beate Marie et ecclesie sancte Marie de Tuttesbir[] et monachis ibidem deo servientibus in puram et perpetuam elemosinam pro salute anime mee et omnium antecessorum et successorum meorum omnia quecumque Henricus de Ferr[] fundator ejusdem ecclesie seu Eugenulfus de Ferr[] vel Robertus de Ferr[] et alius Robertus de Ferr[] vel Willelmus de Ferr[] avus meus seu Willelmus de Ferr[] pater meus sive aliquis antecessorum meorum seu uxores eorum vel barones vel milites sive homines eorum dederunt vel concesserunt ecclesie predicte Quare volo et firmiter precipio quod predicti monachi habeant et teneant omnes donaciones et concessiones ac confirmaciones eis in feodo meo collatas integre plenarie et honorifice libere solute et quiete ab omni seculari servicio michi vel heredibus meis pertinente et ab omni consuetudine et exaccione Et ut ista concessio et confirmacio mea firma et illibata inperpetuum permaneat hoc presens scriptum sigilli mei munimine confirmavi Hiis testibus magistro Radulfo de Chaddesden[] tunc thesaurario Lich[] dominis Willelmo de la Lande Henrico de Bech Roberto de Piru Roberto de Meleburne Petro de Ton[] militibus Henrico Owen[] Stephano de Yrton[] Willelmo de Chadesd[] et multis aliis Dat[] apud Tuttesbir[] die lune proxima ante festum sancte Lucie Virginis anno domini m cc sexagesimo primo

Source Fulltext: The Cartulary of Tutbury Priory. Royal Commission on Historical Manuscripts Joint Publication, 2. A. Saltman. Collections for a History of Staffordshire. H.M.S.O. London. 1962.