Omnibus Christi fidelibus presentes litteras visuris vel audituris Willelmus prior Tuttisbur[] et ejusdem loci conventus salutem in domino Noverit universitas vestra nos unanimi concensu concessisse dedisse et presenti carta nostra confirmasse Johanni vicario ecclesie de Esseburne totam terram et boscum cum pertinenciis quod idem Johannes aliquando tenuit de nobis de feodo nostro de Edolmiston[] tenend et habend de nobis in tota vita ipsius Johannis cum omnibus liberis communis et aesiamentis prenominate ville et cum claustura ad sepes suas ibidem faciendas capiendas sicut consuevit libere quiete et solute ab omni servicio et seculari exaccione reddendo inde nobis annuatim viginti solidos sterlingorum videlicet ad festum nativitatis beati Johannis Baptiste decem solidos et ad natale domini decem solidos pro omnibus Et post mortem ipsius Johannis predicti terra et boscum cum omnibus pertinenciis ad nos libere revertantur salvis eidem Johanni fructibus suis si qui tunc fuerint in terra existentes In cujus rei testimonium parti presentis scripti in modum cirograffi confecti et penes predictum Johannem remanenti sigilla nostra apposuimus Parti vero predicti scripti penes nos remanenti predictus Johannes sigillum suum apposuit Hiis testibus

Source Fulltext: The Cartulary of Tutbury Priory. Royal Commission on Historical Manuscripts Joint Publication, 2. A. Saltman. Collections for a History of Staffordshire. H.M.S.O. London. 1962.