Sciant presentes et futuri quod omnis controversia inter priorem et conventum de Tuttebur[] ex una parte et priorem et conventum de Trentham ex altera coram diversis judicibus hinc et inde a sede apostolica delegatis mota et diucius agitata super decimis essartorum de Turwardestona de Osselaweston[] de Esse et super decimis feni et virgultorum dictarum villarum et super decimis provenientibus occasione pasture quam habent animalia de Sutton[] in parochia de Brocton[] amicabiliter in hunc modum conquievit viris discretis scilicet dominis abbate de Deulacresse priore de Lenton[] priore de Calewiz Nichollao subpriore de Burton decano Lich[] magistro Symone de Cestrenc[] magistro Gilberto de Weston[] hinc et inde mediantibus et inter predictos priores et conventus super predictis decimis de unanimi omnium consensu pacem et concordiam formantibus sub hac forma videlicet quod prior et conventus de Tuttebur[] concesserunt et dimisserunt priori et conventui de Trentham ad perpetuam firmam omnes decimas predictas quas de dominicis dictarum villarum perceperunt vel in posterum aliquo jure percipere possent ita scilicet quod prior et conventus de Trentham nomine dicte firme solvent annuatim priori et conventui de Tuttebur[] quatuor sexteria frumenti et quinque sexteria avene ejusdem mensure ita quod infra festum sancti Michaelis et octabas sancti Andree dictam firmam apud Sutton[] persolvent Frumentum vero purgabitur cribro et vento sicut de jure debet et avena similiter Si vero ad dictum terminum firmam non persolverint nomine pene decem solidos solvent predictis priori et conventui de Tuttebur[] cum predicta firma infra quindecim dies a termino predicto De decimis vero predictis occasione pasture de Brocton[] provenientibus de cetero sequentur consuetudinem approbatam archidiaconatus Derb[] Et ut hec amicabilis composicio futuris temporibus firma permaneat et inconcussa utraque pars promisit bona fide se sine dolo et fraude observaturam Et ad majorem cautelam et securitatem presenti scripto sigillorum suorum testimonio predictam composicionem et concordiam confirmavit Facta fuit siquidem hec composicio apud Barton[] in ecclesia beati Petri anno ab incarnacione domini m cc xx vi die martirum Cirici et Julite Teste etc

Source Fulltext: The Cartulary of Tutbury Priory. Royal Commission on Historical Manuscripts Joint Publication, 2. A. Saltman. Collections for a History of Staffordshire. H.M.S.O. London. 1962.