Hec indentura facta fuit septimo idus Aprillis anno domini millesimo cc decimo octavo inter viros religiosos fratrem Bartholomeum humilem priorem monasterii sancte Marie Tuttbur[] ejusdemque loci conventum ex una parte et Henrici de Deneston[] ex altera testatur quod dicti prior et conventus concesserunt dimiserunt et tradiderunt dicto Henrico de Deneston[] villulam eorum nuncupatam Parvam Broghtonam juxta Dubbrige tenend et habend predicto Henrico ad totam vitam suam cum pertinenciis et aysiamentis in redditibus terris pratis pasturis aquis boscis viis et semitis de prelibatis priore et conventu et eorum successoribus pro quadam summa pecunie eis pre manibus soluta reddendo inde annuatim prefatis priori et conventui viginti sex solidos et octo denarios ad duos anni terminos scilicet ad natale domini et ad festum pasche equalibus porcionibus et faciendo servicia prout successive liquet scilicet arrabit dicti domini prioris apud Dubbrige ad semen yemale per quinque carucas tanquam per unum diem et decem carucas ad semen quadragesimale quasi per unum diem quando premunitus fuerit vel dabit domino predictis operibus quinque solidos ad libitum domini prioris eligendum et falcabit cum decem hominibus quasi per unum diem in pratis dicti prioris apud Dubbrige vel dabit tres solidos et quatuor denarios ad eleccionem domini ut supra et metet in autumpno cum decem hominibus quasi per unum diem et cum viginti hominibus quasi per unum alium diem quando premunitus fuerit vel dabit domino tres solidos et novem denarios ad eleccionem domini ut supra Et omnes et tenentes sui in dicta villula cum tota eorum familia scilicet ipsi qui operarii possunt eorum uxoribus exceptis venient apud Dubbrige in autumpno ad magnam precariam que vocatur cotebone ad metendum in bladis domini prioris quando premunitus fuerit vel dabit pro quolibet opere unum denarium per annum ut premittitur et facient sectam molendini domini prioris apud Dubbrige et dabunt tolnetum ad sexdecim gramina et inundabunt stangnum molendini predicti quociens neccesse fuerit una custumariis de Dubbrig[] Et idem Henricus concedit pro se et executoribus suis unam carucam cum sex bobus precii sexaginta solidorum simul cum una carecta tribus affris precii triginta solidorum et una semen[] cum sex porcellis precii sex solidorum et unam ollam erdam precii trium solidorum ad decessum suum in manerio domini prioris ad dictam villulam Broughtone dimittere instaurando vasto autem in premissis carente Et dicti vero prior et conventus memoratam villulam Parvam Broughtonam vocatam cum omnibus pertinenciis terris redditibus pratis pasturis aquis boscis viis et semitis predicto Henrico de Deneston ad totam vitam suam contra omnes gentes et feminas warantizabunt In cujus rei testimonium dicti prior et conventus uni parti istius indenture penes dictum Henricum residentis sigillum eorum commune apposuerunt et alteri parti penes dictos priorem et conventum residenti dictus Henricus de Deneston[] sigillum suum apposuit Hiis testibus Roberto de Veteri Ponte Nicholao de Segrave Hugone de Meynill[] Petro de Touke Petro de Bakepis Henrico de Bakepis Stephano de Minoris militibus Galfrido Goderich Stephano de Yereton[] Ricardo Roundell[] et aliis Dat[] apud Tuttesbur[] die et mensis et anno supradicto

Source Fulltext: The Cartulary of Tutbury Priory. Royal Commission on Historical Manuscripts Joint Publication, 2. A. Saltman. Collections for a History of Staffordshire. H.M.S.O. London. 1962.