Sciant presentes et futuri quod ego Robertus filius Galfridi de Dethek[] dedi concessi et hac presenti carta mea confirmavi Henrico filio Roberti de Dethek[] pro homagio et servicio suo duas bovatas terre in Shukthorn[] illas scilicet quas Radulfus de Frechevile dominus de Cruch[] dedit Radulfo filio Roberti de Dethek[] avunculo meo Tenendas et habend predicto Henrico et heredibus vel assignatis et eorum heredibus de me et heredibus meis libere quiete pacifice cum boscis et pratis et cum omnibus libertatibus liberis communis et aisiamentis et similiter cum omnibus aliis pertinenciis suis usquequaque salvo dominico meo de Dethek[] et dominico meo de Lessihay Reddendo inde annuatim mihi et heredibus meis sex solidos argenti ad duos terminos videlicet ad festum sancti Nicholai tres solidos et ad festum nativitatis sancti Johannis Baptiste tres solidos et capitalibus dominis de Cruch[] pro me et heredibus quasi attornati nostri unum par calcarium deauratorum ad pasca pro omnibus salvo forinsceco domini regis Ego vero Robertus et heredes mei totam terram prenominatam cum omnibus suis pertinenciis ut predictum est predicto Henrico et heredibus vel assignatis et eorum heredibus contra omnes gentes warantizabimus pro predicto servicio imperpetuum In cujus rei robur et testimonium huic presenti scripto sigillum meum apposui Hiis testibus domino Willelmo vicario de Cruch[] Nicholao de Wakebrug[] Roberto de Holwey Johanne Kybbull[] Waltero de la Morwod[] Roberto filio Roberti de Dethek[] lone le Parker et aliis Dat[] apud Dethek[] die mercurii proxima post nativitatem beate Marie anno domini millesimo cc octuagesimo sexto

Source Fulltext: The Cartulary of the Wakebridge Chantries at Crich. A. Saltman. Derbyshire Archaeological Society Record Series, V.6. Derbyshire Archaeological Society. Derby. 1976.