Hec est convencio facta inter abbatem et conventum de Haghmon[] ex una parte et Willelmum le Mason et Amiliam uxorem suam de Hideslonde ex altera videlicet quod dicti Willelmus et Amilia tradiderunt et concesserunt et presenti scripto confirmaverunt dictis abbati et conventui totam partem suam de prato evenire poterunt usque ad terminum tresdecim annorum subsequencium plenarie completorum pro triginta solidis sterlingorum quos dicti abbas et conventus dictis Willelmo et Amilie premanibus dederunt Habend et tenend de dictis Willelmo et Amilia et eorum heredibus libere integre et quiete ab omni seculari exaccione et demanda Et si contingit quod dictum pratum infra prenominatum terminum xiii annorum per [...] onerari vel per aliquod infortunum aut per incuriam dictorum Willelmi et Amilie vel heredum eorum deterioretur vel destruatur dicti Willelmus et Amilia et heredes eorum quemlibet annum in quo contigerit dictum pratum sic destrui vel deteriorari restaurabunt ita quod dicti abbas et conventus xiii croppas plenarie habeant non obstante termino precedente Dicti vero Willelmus et Amilia in pleno hundredo de Albo Monasterio coram domino Willelmo de Leithton constabulario et aliis fidedignis fide media se obligaverunt ab omni et singulorum superius premissorum observanciam et ad maiorem securitatem presentem convencionem in rotulis domini Johannis filii Alani apposuerunt Iidem insuper Willelmus et Amilia dictos abbatem et conventum per unam carream feni in plenariam seisinam in dicto prato constituerunt Hec convencio facta fuit Anno domini millesimo cclvi etc

Source Fulltext: The Cartulary of Haughmond Abbey. Una Rees. Shropshire Archaeological Society and Univ. of Wales Press. Univ. of Wales Press. Cardiff. 1985.