Omnibus Christi fidelibus ad quos presens scriptum pervenerit Ricardus Comes Arundell salutem in domino Noveritis nos concessisse pro nobis et heredibus nostris Gilberto Abbati de Haghmon[] et eiusdem loci conventui et eorum successoribus ad warantizandum defendendum et acquietandum dictos abbatem et conventum et eorum successores imperpetuum versus Willelmum filium Willelmi Clerici de Osewaldestre et Ceciliam matrem eiusdem Willelmi et eorum heredes de omnibus mesuagiis terris et tenementis et cum omnibus suis pertinentiis in magna Hideslonde Aston iuxta Westfelton[] et Meresbury videlicet de uno mesuagio liiii acris terre cum omnimodis suis pertinentiis in magna Hideslonde predicta et de quatuor mesuagiis seu tenentibus et xiiii acris terre cum omnimodis suis pertinentiis in Aston predicta et de quatuor acris terre et dimidia cum suis pertinentiis in Meresbury predicta de quibus mesuagiis terris et tenementis omnibus et singulis predictis dicti Willelmus et Cecilia predictos abbatem et conventum aliquando in curia nostra Osewaldestre implacitaverunt minus iuste Itaquod ad sectam predictorum Willelmi et Cecilie vel heredem suorum pro predictis mesuagiis terris et tenementis cum suis pertinentiis ad curiam nostram de Osewaldestre decetero nullo modo venire aut rendere et distringantur seu compellantur Dat[] Salop die Martis proxima ante festum beati Dunstani episcopi anno r r Edwardi filii Regis Henrici vicesimo secundo

Source Fulltext: The Cartulary of Haughmond Abbey. Una Rees. Shropshire Archaeological Society and Univ. of Wales Press. Univ. of Wales Press. Cardiff. 1985.