Omnibus Christi fidelibus ad quos presens scriptum pervenerit Thomas dei gratia Norwicensis episcopus salutem in domino Inspeximus cartas bone memorie Johannis primi et Johannis secundi predecessorum nostrorum abbati et conventui de Haghmon concessas inter cetera continentes quod dicti predecessores nostri dei intuitu et religionis favore concesserunt et confirmaverunt dictis abbati et conventui de Haghmon[] ecclesiam de Hunstanton[] nostre diocesis in proprios usus perpetuo possidendam salva honesta et competenti sustentacione vicarii in dicta ecclesia pro tempore ministraturi Nos autem dictorum predecessorum factum in hac parte gratum habentes et acceptum prefatam ecclesiam de Hunstanton dictis abbati et conventui confirmamus salva honesta et competenti vicaria xv marcarum per dilectum et fidelem nostrum officialem Archidiaconum Norfolch de precepto nostro taxata ad opus vicarii perpetui in dicta pro tempore ministraturi ad quam vicariam quociens vacari contigerit dicti abbas et conventus de Haghmon personam quamcumque voluerimus nobis et successoribus nostris sine difficultate aliqua ac alicuius pravitatis et contradiccionis obstaculo presentabunt Quod si post commonicionem eis a nobis faciendam personam a nobis et successoribus nostris nominandam presentare distulerint nos et successores nostri ipsis irrequisitis quemcumque voluerimus vicarium in eadem instituemus predictam autem collacionem et ordinacionem dicte vicarie de consensu et voluntate dictorum abbatis et conventus de Haghmon[] nobis et successoribus nostris reservavimus salvis eciam in omnibus reverencia et obediencia nobis et successoribus nostris et sacrosancte Norwicensis ecclesie consuetudinibus debitis vel consuetis Dat[] apud Blafeld manerium nostrum septimo Kal[] Junii pontificatus nostri anno tercio

Source Fulltext: The Cartulary of Haughmond Abbey. Una Rees. Shropshire Archaeological Society and Univ. of Wales Press. Univ. of Wales Press. Cardiff. 1985.