Universis sancte matris ecclesie filiis Rogerus dei gratia Herefordensis ecclesie minister humilis perpetuam in domino salutem Noverit universitas vestra quod cum primum ad regimen Herefordensis ecclesie deo vocante accessimus invenimus in castallario de Lidebery Madocum Radulphum[] et Agnetem uxorem eius tenentes terram de Linlega et episcopo Herefordensi unam marcam sub annua pencione inde reddentes Postea abbas de Haghmon[] et conventus per litteras domini pape adversus eos controversiam super iamdicta terra moverunt et coram iudicibus delegatis eam demum evicerunt Ita quod Madoc et Radulphus consensu et assensu Agnetis uxoris eius coram G Decano et R archidiacono et Ivone thesaurario et Waltero Senescallo et multis aliis terram illam sine omni reclamacione in manum nostram resignaverunt Et nos Abbatem et Conventum de Haghmon de eadem terra cum omnibus pertinentiis suis in bosco et plano in pratis et aquis et pascuis et omnibus aliis locis investivimus tenend de nobis et successoribus nostris imperpetuum[] sub annua pencione xx solidorum solvendo[] in duobus terminis meditatem in Pentecost[] et alteram medietatem in festo beati Martini Preterea omni anno quo werra fuerit ad summonicionem nostram et ballivi nostri invenient in castello de Lidebury unum servientem per xv dies per expensas suas Et si forte dominus episcopus aliquando a liberis illius feudi hominibus auxilium exigere opus habuerit tunc facient sicuti terra illa antiquitus facere consuevit secundum recordacionem curie nostre de Lidebur[] Hiis testibus G decano Radulpho archidiacono Ivone thesaurario Reginaldo constabulario Magistro Eustachio [] etc

Source Fulltext: The Cartulary of Haughmond Abbey. Una Rees. Shropshire Archaeological Society and Univ. of Wales Press. Univ. of Wales Press. Cardiff. 1985.