Hec est finalis concordia facta in Curia domini Regis apud Westmonasterium die veneris proxima post octabas Purificacionis beate Marie anno r r Ricardi sexto coram H Cantuariensi archiepiscopo R Londoniensi T Roffensi episcopis G filio Petri Ricardo Eliensi Radulpho Herefordensi archidiaconis Ricardo de Herend[] Willemo de Warenne Osberto filio Herevii Magistro Thoma de Husseburne Sym[] de Pateshul[] Justiciariis domini Regis et multis aliis fidelibus domini Regis ibidem tunc presentibus Inter abbatem et canonicos de Haghmon[] tenentes per Thomam de la Mare canonicum suum positum loco predicti abbatis ad cirographum recipiendum et Radulphum de Ardene et Agnetem de la Mare uxorem eius petentes per Thomam clericum Ricardi de Herend[] positum loco eorum ad cirographum recipiendum de tota villa de Uffintone cum pertinentiis quam ipsi canonici et abbas habebant de dono Roberti de la Mara patris eiusdem Agnetis et unde habuerunt cartam eiusdem Roberti et cartam confirmacionis eiusdem Agnetis eis factam dum ipsa fuit vidua unde placitum fuit inter eos in predicta Curia scilicet quod prefatus Radulphus de Ardene et Agnes uxor eius recognoverunt prefatis abbati et canonicis donacionem prefati Roberti de la Mare et confirmacionem eiusdem Agnetis quas eis inde fecerant et quietam clamaverunt de se et heredibus suis tam idem Radulphus de se et heredibus suis quam eadem Agnes de se et heredibus suis prefatis abbati et canonicis et sucessoribus eorum totam prefatam villam cum pertinentiis in perpetuam elemosinam Et pro hac recognicione et quieta clamancia prefati abbas et canonici dederunt prefatis Radulpho et Agneti uxori eius xl marcas argenti

Source Fulltext: The Cartulary of Haughmond Abbey. Una Rees. Shropshire Archaeological Society and Univ. of Wales Press. Univ. of Wales Press. Cardiff. 1985.