Universis Christi fidelibus ad quos presens scriptum pervenerit Walterus Niger de Fuolwode salutem in Domino Noverit universitas vestra quod cum aliquando tempore mota esset controversia inter viros religiosos dominum priorem et conventum de Lanrecost[] ex una parte et me ex altera super eo quod decima garbarum mearum de Fuelwode ad ecclesiam suam de Lanrecost[] pertinentem in campis contra consuetudinem parochie predicte ecclesie presumebam dimittere tandem ego w[alterus] recognoscens me contra justiciam et in eorundem virorum religiosorum et ecclesie sue predicte prejudicium hoc fecisse eisdem viris religiosis fideliter promisi per presens scriptum meum me obligando quod de cetero decimam garbarum mearum vel aliquam partem ipsarum in campis non dimittam sed garbas meas omnimodas ad ostium horrei mei fideliter quia sic decet amodo decimabo nisi forte memorati viri religiosi decimam antedictam ob aliquam causam maluerint et precaverint in campis dimitti Et ad omnia supradicta facienda tam heredes meos quam meipsum per istud presens instrumentum obligo inperpetuum In cuius rei testimonium presens scriptum sigilli mei impressione munivi Testibus johanne de Denton[] Eudone de Denton[] Willelmo de Mora Roberto de Camboc Alexandro Baldewyn[] Ada Stacy Rogero Thwang[] Johanne filio Anketini et aliis Datum apud Lanrecost die dominica proxima post festum sancti Hylarii anno gracie m cc septuagesimo tertio []

Source Fulltext: Lanercost Cartulary. J. M.Todd. Cumberland and Westmorland Antiquarian and Archaeological Society Record Series, V.11. Surtees Society. Athenaeum Press. Durham. 1997.