Anno ab incarnatione Domini m ducentesimo septuagesimo primo ad Pentecosten ita convenit inter dominum Johannem priorem de Lanrecost[] et eiusdem loci conventum ex una parte et Willelmum de Mora et Agnetem uxorem eiusdem ex altera Videlicet quod dicti Willelmus et Agnes remiserunt concesserunt et presenti scripto suo in liberam puram et perpetuam elemosinam inperpetuum quietamclamaverunt dominis suis predictis priori et conventui totam terram illam cum pertinenciis suis quam ipsi habuerunt et tenuerunt de eisdem in territorio de parva Cambok[] tertiam videlicet partem de Quinquaythell dictam Agnetem nomine dotis per primum virum suum johannem Luueles nomine contingentem ita videlicet quiete ab eis et absolute quod dicti Willelmus et Agnes vel Agnes per se in dicta terra cum pertinenciis vel in aliqua parte eiusdem nunquam jus vel clamium vendicare clamare vel exigere poterunt vel poterit inperpetuum Pro hac autem remissione concessione et etiam quietamclamatione predicti prior et conventus concesserunt predictis Willelmo et Agneti totam terram suam de Clouesgile cum suis pertinenciis quam habent in territorio de Farlam que fuit quondam Nicholai filii johannis vicarii de Brampton[] tenend et habend de predictis priore et conventu libere pacifice et quiete in tota vita dicte Agnetis reddendo dictis priori et conventui annuatim xxti solidos argenti ad duos anni terminos videlicet x solidos ad Pentecosten et x solidos ad festum sancti Martini in hyeme et tria carrata feni per annum similiter de pratis de Clouesgile hoc videlicet modo quod quando prata de Clouesgile fuerint falcata fena siccata et sumptibus predictorum Willeimi et Agnetis omnino perfecta et ad cariandum prompta predicti Willelmus et Agnes antequam aliquid de dicto feno cariaverint predictos priorem et conventum munient quod ipsi veniant vel mittant ad dictam prata et tunc de meliori feno eligent et capient quantum dehinc per tres vices super unum plaustrum ad tractum octo boum cariare voluerint vel una vice super tria plaustra et ubi voluerint cariabunt Et si contingat dictam Agnetem in fata decedere ante predictum Willelmum virum suum tota dicta terra de Clouesgile cum suis pertinenciis predictis priori et conventui omnino revertetur et eisdem absque contradictione aliqua vel reclamatione dicti Willelmi vel alicuius alterius libera et quieta remanebit inperpetuum Et si dictus Willelmus moriatur prius quam Agnes uxor sua antedicta ipsam predictam terram de Clouesgile cum pertinenciis toto tempore vite sue tenebit et firmas antedictas tam in denariis quam in feno ut supradictum est dictis priori et conventui annuatim persolvet Et si dicta Agnes dictum Willelmum virum suum supervivens predictam tertiam partem de Quinquaythell cum suis pertinenciis per breve domini regis vel aliquo modo de predictis priore et conventu petierit et eam quoquo modo optinuerit licebit predictis priori et conventui terram de Clouesgile prenominatam intrare in dictam Agnetem si idem inventa fuerit expellere et dictam terram in propriis manibus pro voluntate tenere sine contradictione aliqua aut reclamatione dicte Agnetis vel alicuius alterius inperpetuum Dicti autem Willelmus et Agnes nullam destructionem vel vastum de bosco infra divisas de Clouesgile invento facient nec aliquid de eodem extra tenementum illud dabunt aut abducent nec succident nisi solummodo ad sepes et edificia construenda et reparanda infra divisas predicte terre Nec licebit dictis Willelmo et Agneti vel eorum alteri predictam terram de Clouesgile alichui invadiasse aut ad terminum aliquem dimittere seu alicubi a manibus suis alienare sine licencia et consensu predictorum prioris et conventus Et si fecerint licebit predictis priori et conventui dictam terram intrare et quoscunque invenerint eam occupantes expellere et eam in manibus suis retinere quousque plenaria fiat eis emenda de conventione fracta et etiam sufficiens securitas tam de istis articulis quam de singulis articulis supradictis inposterum tenend Hec omnia supradicta fideliter et sine fraude tenere predicti prior et conventus fideliter promiserunt Et predicti Willelmus et Agnes tactis sacrosanctis evangeliis corporale sacramentum prestiterunt Predicti vero prior et conventus predictam terram de Clouesgile cum suis pertinenciis prefatis Willelmo et Agneti usque ad terminum vite dicte Agnetis contra omnes gentes warantizabunt In cuius rei testimonium predicti prior et conventus sigillum capituli sui parti huius scripti in modum cirographi confecti penes predictos Willelmum et Agnetem commoranti apponi fecerunt et predicti Willelmus et Agnes parti predictis priori et conventui liberata signa sua apposuerunt Testibus dominis Roberto de Feritate Hugone de Multona Patricio de Ulvesby militibus Galfrido de Tyllioll[] Ricardo de Castelcarrok[] Roberto de Warthewik Roberto de Tylliol[] Johanne de Denton[] Ranulfo de Vallibus Willelmo de Leuersdale et aliis

Source Fulltext: Lanercost Cartulary. J. M.Todd. Cumberland and Westmorland Antiquarian and Archaeological Society Record Series, V.11. Surtees Society. Athenaeum Press. Durham. 1997.