0[sbertus] Dei gracia abbas de Kelch[] et eiusdem loci conventus universis sancte matris ecclesie filiis et fidelibus tam presentibus quam futuris eternam in Domino salutem Noverit universitas vestra quod cum causa que vertebatur inter nos et priorem et canonicos de Lanrecost[] super ecclesia de Leysingebi domino abbati Novi Monasterii et de Tinemuth[] et de Insula prioribus auctoritate mandati domini pape terminanda commissa fuisset nos mutue caritatis intuitu de communi consilio et assensu totius capituli nostri predictis canonicis de Lanrecost ipsam ecclesiam de Leysingby pro amicabili et finali concordia inter ecclesias de Kelch[] et de Lanrecost[] et inter predictorum locorum conventus inperpetuum inviolabiliter observanda concessimus et si quod jus aliquo tempore in prefata ecclesia habere videbamur illud omnino relaxavimus Ita tamen quod sepedicti canonici de Lanrecost[] nobis et ecclesie nostre singulis annis nomine ecclesie de Leysingby duos bysancios auri ad festum sancti Jacobi apud Rokisburc ad nundinas inperpetuum persolvent Ut autem hec concessio firma et inconcussa futuris temporibus inter ecclesiam nostram de Kelch[] et ecclesiam eorum de Lanrecost[] et inter ipsorum locorum conventus inperpetuum inviolabiliter observetur nos eam sigilli nostri impressione roboravimus Teste capitulo

Source Fulltext: Lanercost Cartulary. J. M.Todd. Cumberland and Westmorland Antiquarian and Archaeological Society Record Series, V.11. Surtees Society. Athenaeum Press. Durham. 1997.