Charter: Documents of Early England Data Set 00720315
Signature: 00720315
Add bookmark
Edit charter (old editor)
1269-09-17, CARLISLE, CUMBERLAND (ENGLAND)
Thomas, official of Carlisle, records, following the refusal of William of Laversdale to take the oath in proceedings brought by the prior and canons of Lanercost, that William is condemned to pay tithes at the door of the barn. Carlisle, [17 September] 1269 (Verdict, LANERCOST, CUMBERLAND (ENGLAND)) Givers: Thomas (Official of Carlisle Cathedral) Receivers: William of Laversdale, Lanercost PriorySource Regest: DEEDS-Database: http://deeds.library.utoronto.ca/charters/00720315
x
Universis Christi fidelibus presentes literas inspecturis Thomas officialis Karl[] salutem eternam in Domino Noverint universitas vestra quod cum prior et conventus de Lanrecost[] ordinis sancti Augustin Willelmum de Leueresdale parochianum ecclesie de Irthington quam iidem religiosi noscuntur in usus proprios optinere super modo decimandi garbas tempore autumpnali in hostio orrei coram me Thoma predicto judicialiter non ex delegatione apostolica convenissent dictus w[illelmus] narratione et petitione dictorum prioris et conventus in jure propositis liteque ad easdem legittime contestata licet dominus Simon canonicus de Lanrecost[] procurator prioris et conventus predictorum prout ex virtute sui procuratoris potuit in eadem causa juramentum de calumpnia prestitisset monitus competens juramentum huiusmodi prestare contumaciter recusavit Unde ego Thomas predictus decernens eundem w[illelmum] ad prestandum huiusmodi juramentum specialiter et peremptorie fore vocandum quod compareret coram me Idibus Septembris in Karl[] ecclesia cathedrali eundem Willelmum predictis die et loco nullatenus comparentem ad convincendam ipsius maliciam feci iterato peremptorie evocari quod compareret coram me xv Kal[] Octobris loco predicto in supradicta causa facturus quod justicia suaderet quibus die et loco idem Willelmus personaliter comparens et per me Thomam predictum sepius monitus et humiliter requisitus ut predictum jusiurandum prestare deberet contumacias contumaciis cumulando prestare juramentum huius non curavit Propter quod ego Thomas predictus in predicta causa tuli diffinitivam sententiam in hunc modum In nomine Patris et Filii et Spiritus Sancti amen Quia Willelmum de Leueresdale in causa que vertitur super modo decimandi garbas inter priorem et conventum de Lanrecost[] ex una parte et ipsum w[illelmum] ex altera lite legittime contestata prestitoque juramento calumpnie a procuratore dictorum prioris et conventus idem juramentum prestare contumaciter invenio recusare eundem w[illelmum] de juris peritorum consilio mihi assidentium quoad petita habens pro convicto ipsum ut in hostio orreri decimet sententaliter condempno et ut modum huius servet in posterum decimandi In cuius rei testimonium sigillum officialitatis Karlioli presentibus est appensum Datum apud Karliolum xv kal[] Octobris anno Domini m cc lx nono
Source Fulltext: Lanercost Cartulary. J. M.Todd. Cumberland and Westmorland Antiquarian and Archaeological Society Record Series, V.11. Surtees Society. Athenaeum Press. Durham. 1997.
Comment
Date: A.D.Charter on the DEEDS-homepage: http://deeds.library.utoronto.ca/charters/00720315
Editions:
- Lanercost Cartulary. J. M.Todd. Cumberland and Westmorland Antiquarian and Archaeological Society Record Series, V.11. Surtees Society. Athenaeum Press. Durham. 1997.
Places
- CARLISLE, CUMBERLAND (ENGLAND)
- LANERCOST, CUMBERLAND (ENGLAND)
Keywords
- General:
- Verdict
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
