Sciant presentes et futuri quod ita convenit inter Radulfum Basset de Weledon[] ex una parte et Willelmum de Meysham ex altera apud Lithefeud die martis proxima ante festum sancte Margarete anno rengni regis Henrici filii Johannis regis vicesimo de quodam stangno quod idem Willelmus firmavit in feodo dicti Radulfi juxta pratum de Madel[] quod vocatur Wluerunmedwe silicet quod dictus Radulfus concessit et quietum clamavit et hac presenti carta sua confirmavit dicto Willelmo et heredibus suis dictum stangnum cum asiamentis suis pro servitio et homagio suo tenend et habend de se et heredibus suis sibi et heredibus suis libere et quiete bene et in pace reddendo inde annuatim dicto Radulfo et heredibus suis tres solidos argenti pro omni servitio ad duos terminos anni silicet ad festum sancte Marie in Martio octodecim denarios et ad festum sancti Michelis xviij denarios salvo tamen quod dictus Radulfus et heredes sui aliquod dampnum de pratis suis non habeant per predictum stangnum Et si dampnum incurrant dictus Willelmus et heredes sui [incurrab] restaurabunt illud dampnum per estimationem legalium virorum Et si dictus Willelmus vel heredes sui in solutione firme infra octabas post terminos nominatos deficiant pacabunt dicto Radulfo vel heredibus suis apud Madeleye pro tali defectu tres solidos argenti pro quolibet termino nomine pene Et dictus Radulfus et heredes sui piscabunt cum rectibus quocumque modo voluerint subter stangnum predictum et supra quantum terre sue extendunt se adinvicem Et firmabunt gortam si velint sub stangno dicti Willelmi ita tamen quod aqua molendini per gortam illam non sit diminuta set cum aqua transierit stangnum dicti Willelmi ad usus dicti Radulfi concurrat Si vero ita contingat quod dictus Willelmus vel heredes sui velint molendinum de loco suo amovere vel omnino intromittere totum stangnum predictum amovebunt vel intromittent et unam marcam argenti eidem Radulfo vel heredibus suis pacabunt et cum hec sufficienter fecerint dictus Radulfus vel heredes sui reddent dicto Wellelmo cartam suam et alteram ab eodem recipient Nec decetero firmam nec homagium nec servitium de dicto Willelmo vel heredibus suis exigent Pro hac autem concessione et quieta clamatione et carte huius confirmatione dedit dictus Willelmus dicto Radulfo x marcas argenti premanibus In huius rei testimonio Willelmus de Meysham presenti scripto in modum cyrograffati confecto sigillum suum apposuit Hiis testibus abbate de Rouecestre Roberto de Leya Henrico de Denston[] Rogero de Verna Ricardo de Hotot Galfrido de Legeshal[] Ricardo de Tene Willelmo Winter Henrico de Bradehevid Radulfo de Watervile Henrico Lenotte Henrico filio eius et aliis

Source Fulltext: Basset Charters c.1120 to 1250. William T. Reedy. Pipe Roll Society, V.88, New Series V.50. Pipe Roll Society. J. W. Ruddock. Lincoln. 1995.