Die beati Thorne apostoli anno incarnationis domini millesimo ducentesimo tricesimo nono cum tractatum esset inter dominum abbatem de Burgo et domino Radulfum Basset super stangno domini R exaltato ad nocumentum prati dicti abbatis in Ketering[] et dampnis factis occasione reparationis et exaltationis stangni predicti convenit tandem inter eos in forma pacis quod dictus R faciet emendas domino abbati de omnibus dampnis predictis factis tempore ipsius R et antecessorum suorum per visum legalium et fidelium videlicet duorum hominum de Keterhing[] duorum de Pytisle duorum de Barton[] et duorum de Ysham [duobus] assumptis ad eos de consilio abbatis et duobus de consilio dicti Radulfi qui ponent terminos et metas qualiter stabit dictum stangnum Et humiliabunt illud vero nimis est exaltatum et per visum eorundem faciet idem R ubi terra per eum vel antecessores suos effossa est adimpleri et prato adjacenti coequari Estimabunt etiam predicti quantum dampnum datum fuerit dicto abbati in pratis suis occasione stangni exaltati et terre effosse et quicquid estimaverint dictus R dicto abbati persolvet Metas autem et terminos qui per predictos fuerint constituti faciet idem R imfuturo conservari sine dampno et lesione prati predicti Convenient vero partes die nominanda a domino abbate ita tamen quod idem R premuniatur ante predictum diem per quindenam Et ad observationem predictorum obligavit se dictus R fide mod [...] et b[] dec [...] nc[] In huius rei testimonium dictus R presenti pagine sigillum suum una cum sigillo decani de W [...] apposuit Hiis testibus Ricardo de Saltfletby magistro Hugone Stanfor[] Rogero ballivo de Werketon[] magistro Roberto medico de Pillingate Rogero de Burg[] Martino et liis

Source Fulltext: Basset Charters c.1120 to 1250. William T. Reedy. Pipe Roll Society, V.88, New Series V.50. Pipe Roll Society. J. W. Ruddock. Lincoln. 1995.