Hec est finalis concordia facta in curia domini regis apud Westm[] in octabis sancti Michaelis anno regni regis Henrici filii regis Johannis octavo coram Martino de Pateshill[] Thoma de Muleton[] Stephano de Segrave Thoma de Haiden[] Roberto de Lexinton[] Gaufrido le Sauvage justic[] et aliis domini regis fidelibus tunc ibi presentibus inter Susannam filiam Gaufridi de Merston[] petentem et Willelmum Basset tenentem de quatuor virgatis terre cum pertinentiis in Merston[] et inter ipsam Susannam petentem et Willelmum de Charneles tenentem de tribus virgatis terre cum pertinentiis in eadem villa et inter eandem Susannam petentem et Hugo Schathe tenentem de una virgata terre cum pertinentiis in eadem villa de quibus terris predicti Willelmus Basset Willelmus de Charneles et Hugo vocaverunt ad warantum Hugonem de Merston[] qui venit et eis warantizavit et inter predictam Susannam petentem et eundem Hugonem de Merston[] tenentem de ix virgatis terre et uno mesuagio cum pertinentiis in eadem villa et unde placitum fuit inter eos in prefata curia scilicet quod predictus Hugo de Merston[] recognovit et concessit ipsi Susanne duas virgatas terre cum pertinentiis de predictis novem virgatis terre quas ipsa clamavit versus eum scilicet dimidiam virgatam terre quam Willelmus filius Johanni tenuit et dimidiam virgatam terre quam Gocelinus tenuit et dimidiam virgatam terre quam Robertus filius Gileberti tenuit et quartam partem unius virgate terre quam Robertus filius Henrici tenuit et quartam partem unius virgate terre quam Hugo filius Margarete tenuit et homagium et totum servitium Henrici de Segrave et heredum suorum de feodo unius militis cum pertinentiis in burgo Marmiun scilicet decem solidos per annum et forinsecum servitium et totum servitium Willelmi Basset et heredum suorum de uno molendino cum pertinentiis in Merston[] scilicet quinque solidos per annum pro omni servitio habend et tenend ipsi Susanne et heredibus suis de predicto Hugone de Merston[] et heredibus suis imperpetuum simul cum villanis vilenagia illa tenentibus et omnibus eorum sequelis faciendo inde servitium unius militis et reddendo inde annuatim unum par calcarium deaura[torum] vel quatuor denarios ad Pentecosten pro omni servitio Et preterea idem Hugo de Merston[] concessit quod post decessum Isolde filie Philippi de Wilinton[] que quatuor virgatas terre et di[midi]am et unum cotagium tenuit in dotem in eadem villa de Merston[] die quo concordia ista facta fuit ex dono predicti Gaufridi eadem Susanna vel heredes eius habebunt predictas quatuor virgatas terre et dimidiam et predictum cotagium cum pertinentiis et illa tenebunt de predicto Hugone de Merston[] et heredibus suis simul cum predictis duabus virgatis terre per predictum servitium sicut predictum est Et pro hac recognitione concessione fine et concordia eadem Susanna remisit et quietum clamavit de se et heredibus suis ipsis Hugone de Merston[] Willelmo Basset Willelmo de Charneles et Hugoni Scath[] et heredibus eorum totum jus et clamium quod habuit vel habere potuit in superplusio totius predicte terre et mesuagii cum pertinentiis que ipsa Susanna clamavit versus eos Et hec concordia facta fuit presentibus predictis Henrico et Willelmo Basset et cognoscentibus se debere predicta servitia et similiter presente predicta Isolda et cognoscente se nichil juris clamare in predictis quatuor virgatis terre et dimidia et predicto cotagio nisi nomine dotis Leirc[]

Source Fulltext: Basset Charters c.1120 to 1250. William T. Reedy. Pipe Roll Society, V.88, New Series V.50. Pipe Roll Society. J. W. Ruddock. Lincoln. 1995.