Anno regni regis Henrici filii Johannis regis vicesimi tertii ad inventionem sancte crucis facta est hec conventio inter Gillebertum Basset ex una parte et priorem et conventum de Ferleg[] Ricardum Pipard et Hugonem Bernard ex altera scilicet quod predictus Gillebertus Basset remisit et quietas clamavit priori et conventui de Ferleg[] et successoribus suis Ricardo Pipard et Hugoni Bernard et heredibus eorum pro se et heredibus suis viginti duas acras terre et tres percatas in Tikethorn[] quas predictus Gillebertus Basset fecit frussare et arare ad infossandum ad opus illorum et successorum et heredum eorum tali fossato quod predicto Gilleberto Basset et heredibus suis et hominibus illorum pro defectu clausi aliquod dampnum evenire non possit Et si ita contigerit quod pro defectu clausi aliqua averia inparcata fuerint nulla emenda inde capiatur sed sine vexatione liberentur Pro hac autem remissione et quieta clamantia concesserunt dicti prior et conventus de Ferleg[] pro se et successoribus suis et dicti Ricardus Pipard et Hugo Bernard pro se et heredibus illorum dicto Gilleberto Basset et heredibus suis viginti sex acras terre et tres percatas super Stoford Hulle scilicet a rivulo qui currit de molendino Galfridi que se extendunt usque Cudelinchehull[] excepto itinere extra Cudelinchehull[] ad opus predicti Gilleberti Basset heredum et hominum suorum et prioris de Ferleg[] et conventus successorum et hominum suorum Ricardi Pipard Hugonis Bernard heredum et hominum suorum ad infossandas tali fossato quod predictis priori et conventui et Ricardo Pipard et Hugoni Bernard et successoribus et heredibus suis aliquod dampnum pro defectu clausi evenire non possit Et si ita contigerit quod pro defectu clausi aliqua averia inparcata fuerint nulla emenda inde capiatur sed sine vexatione liberentur Predictus autem Gillebertus Basset et heredes sui predictas viginti duas acras et tres percatas terre predictis priori et conventui de Ferleg[] et eorum successoribus Ricardo Pipard et Hugoni Bernard et heredibus eorum contra omnes homines suos warantizabit Et predictus prior et conventus de Ferleg[] et eorum successores et predictus Ricardus Pipard et Hugo Bernard et heredes eorum predictas viginti sex acras et tres percatas terre contra omnes homines suos predicto Gilleberto Basset et heredibus suis warantizabunt Itinera vero de Tikethorne remanebunt sicut fuerunt quando hec compositio facta fuit Et itinera ex parte domini Gilleberti Basset erunt sicut proursa sunt et mensurata ita quod non debent artari nec minui Hanc autem conventionem fideliter observandam quisque illorum affidavit Et ad maiorem securitatem hoc inter eos cyrographum est confectum et eorum sigillis ex utraque parte confirmatum Hiis testibus Johanne Biset Reginaldo de Caln[] Johanne de Chireburg[] Henrico de Waddon[] Samsone le Bigod Thoma Gulofr[] Willelmo de Caln[] Willelmo de Tinhide Henrico Crok Silvestro Luvel Ricardo de Heanton[] Willelmo de Burdevill[] et aliis

Source Fulltext: Basset Charters c.1120 to 1250. William T. Reedy. Pipe Roll Society, V.88, New Series V.50. Pipe Roll Society. J. W. Ruddock. Lincoln. 1995.