In nomine Patris et Filii et Spiritus Sancti amen Anno gracie m cc lxx nono xv kal Augusti facta est ista finalis decisio et judicialis ordinacio per fratres W et Adam de Rievalle et Bellalanda abbates judices a capitulo generali datos super omnibus contencionibus controversiis transgressionibus querelis inter domum de Fontibus et domum de Sallai ab omni retroacto tempore usque ad diem presentis ordinacionis motis et ventilatis In primis cum alias per abbates de Rievalle et de Rufforde judices ab eodem capitulo anno videlicet Domini m cc l primo super eisdem contencionibus deputatos ordinatum fuerit et in instrumento cyrograffato redactum quod omnes querele et contenciones hinc inde habite sub certa forma et amicabili composicione quiescerent et perpetuo silencio sopirentur Statuerunt et ordinaverunt judices posteriores provisioni et statutis priorum judicum in omnibus adherentes omnes condiciones et articulos in scripto ab eisdem inter partes primitus confecto contentos inviolabiliter et integre perpetuis temporibus observari hoc addito quia veredictum quatuor militum super contencione divisarum inter Braithewit[] et rectam viam de Lonesdal per priores judices provisum scripto non erat commendatum ordinaverunt et diffiniverunt quod ille de cetero certe sint divise inter forestam abbatis et conventus de Fontibus et pasturam de Sallai quas dicti abbas Petrus de Fontibus et Thomas abbas de Sallai ex consensu utriusque conventus sui stabilierunt et presencia a monachis et conversis utriusque domus fecerunt perambulari et per cruces in terra defossas signari videlicet de Sanwath linealiter ascendendo usque ad dictas cruces in terra defossas et per illas cruces directe versus austrum usque ad fossatum foreste de Fontibus et ad perpetuam hujus divise evidenciam preceperunt dicti judices grangiariis de Kylnesaye et de Stainford quod lapides grandes in locis ubi cruces sunt defosse citra festum sancti Michaelis proximum affigi faciant et stabiliri Si vero averia abbatis de Sallai vel hominum suorum hanc divisam per eschapium transierint forestam depascendo dabunt pro quolibet animali unum denarium Averia eciam abbatis de Fontibus et hominum suorum pasturam de Sallai ultra eandem divisam depascencia per obolum pro quolibet capite redimentur et ubi foresta de Sallai locis de Fontibus est contigua et averia sua ipsam forestam inventa fuerint per eschapium depascentia pro denario adquietabuntur per singula Preterea pro violencia et dampnis molendino abbatis de Fontibus in Littona per monachos et conversos de Sallai irrogatis adjudicaverunt abbatem et conventum de Sallai ad x libras sterlingorum in misericordia et voluntate abbatis de Fontibus infra proximum Pentecosten ponendas et quia stangnum ejusdem molendini infra communam abbatis de Sallai partim extenditur decretum est et statutum quod abbas de Sallai et tenentes sui de Littona molere debent in eodem molendino ad xx quartum vas si voluerint Item de bosco Ris nominato ita ordinatum quod nulle de cetero ibidem per Fontanienses fiant purpresture vel assarta et si facta fuerint averia abbatis de Sallai in priori composicione specificata tam in ipsis assartis quam in bosco tempore concesso licite pascentur et si aquam subtus boscum currentem per eschapium transierint racionabiliter inparcabuntur et secundum legem patrie deliberabuntur omnibus aliis rebus et articulis in priorum judicum reformacione contentis et specificatis in suo robore et firmitate perpetua permanentibus Et quoniam jure naturali omne eciam irracionale quadam affectionis specialitate ad suum simile colligatur multomagis homines racionis capaces unius et ejusdem vite spiritualis professores habituque et convictu sibi similiores arctiori dileccionis et unitatis federe debent inseparabili conglutinari et mutue pacis et quietis indempnitatem in omnibus emulari Ideo decretum est et statutum quod quicumque monachus vel conversus utriusque domus contra mutuas libertates et privilegia in aliquo deliquerit ad abbatis lesi pedes mittatur ipsius arbitrio puniendus Et quia secundum jus canonicum nulla est jurisdiccio sine cohercione statuerunt dicti judices omnia tam in priorum judicum processu quam in presenti sua ordinacione contenta ab omnibus utriusque domus professoribus firmiter et perpetualiter observari sub pena excommunicacionis quam auctoritate a capitulo generali sibi commissa in scriptis fulminarunt in quemlibet utriusque domus professum tam priorum quam posteriorum judicum ordinacionem infringentem a nemine nisi a domino Cisterciense absolvendum In quorum omnium firmitatem et testimonium presenti scripto in modum cirographi diviso sigilla judicum una cum sigillis partium alternatim sunt appensa et pro majori auctoritate sigillum domini abbatis Cistercii procurabunt apponendum Datum apud Kirkestal xv kal Augusti anno gracie superius annotato [...]

Source Fulltext: Chartulary of the Cistercian Abbey of St. Mary of Sallay in Craven. Joseph MacNulty. Yorkshire Archaeological Society, V.99. Yorkshire Archaeological Society. West Yorkshire Print Co. Wakefield. 1934.