Hoc cirographum testatur quod Johannes Graindorge dedit in escambium abbati et conventui de Sallai unam acram et dimidiam terre sue jacentem juxta grangiam predictorum abbatis et conventus in territorio de Berghubi ad augmentacionem curie sue in eadem villa ad includendum fossato et haia prout viderint sibi utilius expedire sine calumpnia predicti Johannis et heredum suorum vel aliquorum hominum ita quod predictus J nec heredes sui nec aliquis alius nomine suo de cetero aliquod jus vel clamium in predicta terra vendicare vel exigere poterunt inperpetuum Pro hac autem concessione et dono predicti abbas et conventus de Sallai dederunt et presenti scripto confirmaverunt predicto Johanni Graindorge et heredibus suis unam acram et dimidiam terre sue in campo de Bergeby jacentem prope terram suam in eadem villa unde una roda et dimidia jacet juxta haiam suam qua includitur parcum suum superius versus Kyrkeby et una acra et dimidia roda jacet inter domum quondam Henrici de Bergeby et viam lapideam que vadit ad grangiam de Bergebi et quedam pars terre illius abuttat super novum fossatum abbatis versus grangiam Hanc autem donacionem predicti abbas et conventus predicto Johanni et heredibus suis contra omnes homines quamdiu predictus Johannes et heredes sui dictis abbati et conventui predictam terram warantizaverint Actum apud Bergeby vigilia sancti Cutberti in quadragesima anno regni regis Edwardi xx vj His testibus Domino Petro de Lound Ricardo de Wigetona P de Arundel et aliis

Source Fulltext: Chartulary of the Cistercian Abbey of St. Mary of Sallay in Craven. Joseph MacNulty. Yorkshire Archaeological Society, V.99. Yorkshire Archaeological Society. West Yorkshire Print Co. Wakefield. 1934.