Hoc cirographum testatur quod abbas de Sallai et ejusdem loci conventus et Johannes Graindorge fecerunt simul approwiamentum de vastis et excambiis terre culte in via de Bergheby ita quod Johannes Grandorge habet in marisco et in le Spen et in Hakenhevid[] x acras terre et unam rodam terre et bosci in predictis locis de vasto pro porcione sua et abbas et conventus de Sallai habent in marisco quinque acras terre et unam rodam terre et bosci juxta terram suam pro porcione sua in marisco et in le Spen et in le Hakenhevid De terris cultis dedit Johannes Graindorge in escambium abbati et conventui de Sallai totam terram suam quam habuit in toftis et croftis a tofto et crofto quod quondam tenuit Cecilia de Berghubi de domo de Sallai in transversum per regiam viam usque ad fossatum quod venit de mora et de regia via in longum usque ad novum fossatum abbatis et usque ad lapideam viam que vadit de grangia ad moram scilicet quicquid habuit inter moram et croftum et toftum dicte Cecilie sine aliquo retenemento ad includendum fossato et haia cum crofto Cecilie a via que vocatur le Houtelon per regiam viam in circuitu usque ad grangiam abbatis et conventus et in separali habend omni tempore sine calumpnia dicti Johannis et heredum suorum aut alicujus assignati eorundem Pro hoc escambio et dono dedit abbas et conventus Johanni Graindorge et heredibus suis totam terram suam quam habuit juxta le Spen ultra siketum quod descendit extra parcum versus Swindun et quandam particulam terre et prati prope le Layk et terram de Kirkebi et quoddam croftum quod vocatur Humgricroft et duas seliones quas quondam tenuit Cecilia de Berghbi et quandam porcionem terre prope parcum dicti Johannis cujus pars superior tendit versus orientem et terram que vocatur le Layzflat et quandam porcionem terre sue in Hulhevid et totam terram quam habuit infra le Berg[] in quinque locis salvis abbati et conventui bladis de predictis terris Abbas vero et conventus de Sallai totam terram quam habent de Johanne in escambium cum tofto et crofto quondam Cecilie cum prato et bosco et marisco tenebunt in seperali omni tempore sicut fossa et haya includuntur sine aliqua calumpnia predicti Johannis vel heredum suorum vel alicujus assingnati Et si averia dicti Johannis vel heredum suorum in predictis clausis abbatis intraverint pro defectu clausure non imparcabuntur sed sine lesione recaciabuntur Similiter si averia abbatis et conventus vel alicujus tenentis locum abbatis infra clausa dicti Johannis vel heredum suorum pro defectu clausure intraverint non imparcabuntur sed sine lesione recaciabuntur Dictus vero Johannes habebit in separali totam partem suam in marisco per totam terram que est inter siketum quod descendit de parco suo usque ad divisas de Kirkebi ad augmentandum parcum et totam terram quam habet in Bergh cum le Hakenhevid Hoc autem approuamentum et escambium utraque pars alternatim warantizabit inperpetuum Ut autem ista ordinacio et excambium perpetuum robur habeat inter partes hiis mutuis scriptis utraque pars sigilla sua alternatim apposuit Actum die sancti Marci ewangeliste anno gracie m ccc primo Testibus P de Arundel Ricardo de Kerebi R de Mikeltwait et aliis

Source Fulltext: Chartulary of the Cistercian Abbey of St. Mary of Sallay in Craven. Joseph MacNulty. Yorkshire Archaeological Society, V.99. Yorkshire Archaeological Society. West Yorkshire Print Co. Wakefield. 1934.