Sciant omnes tam presentes quam futuri quod ego Malgerus Vavasor et heredes mei pro querela quam abbas et conventus de Sallai michi moverunt super elemosina patris mei Willelmi Vavasoris scilicet de molendino de Hunesflet et de xxx marcis argenti et de dimidia carucata terre et xvj acris in Aswid unde placitum fuit inter nos in curia domini regis annuatim v marcas argenti in eodem molendino de Hunsflet dimidium ad Pentecosten et dimidium ad festum sancti Martini fideliter et legaliter et sine dolo et malo ingenio Deo et beate Marie de Sallai et monachis ibidem servientibus Deo pro salvanda elemosina patris mei et pro salute anime sue et pro salute animarum nostrarum et omnium antecessorum inperpetuum persolvemus Et sciendum quod si predictas quinque marcas ego vel heredes mei aliquo eventu in eodem molendino persolvere non poterimus de ceteris terris nostris v marcas ad eosdem terminos perficiemus Hanc autem v marcarum solucionem in predictis terminis firmiter et fideliter et sine fraude aliqua perpetuo tenend de me et heredibus meis ego Malgerus in manu Osberti de Longo Campo tunc vicecomitis Ebor affidavi Et abbas et conventus de Sallai versa vice michi et heredibus meis totum quietum clamaverunt quicquid meis in Wlsingtona et dimidia carucata in Oxtona de vendicione mea et uxoris mee Agnetis habuerunt Testibus H Dunelm[] episcopo et Rogero filio Rainfr[] Oseberto de Longo Campo et aliis multis

Source Fulltext: Chartulary of the Cistercian Abbey of St. Mary of Sallay in Craven. Joseph MacNulty. Yorkshire Archaeological Society, V.99. Yorkshire Archaeological Society. West Yorkshire Print Co. Wakefield. 1934.