In nomine sancte et individue sancte Trinitatis Patris et Filii et Spiritus Sancti Ebor archiepiscopo et omni sancti Petri ecclesie Ebor capitulo omnibusque sancte matris ecclesie filiis et fidelibus tam presentibus quam futuris Henricus filius Ypoliti salutem Notum sit vobis omnibus me concessisse et dedisse et presenti carta mea confirmasse Deo et ecclesie sancte Marie de Sallai dimidiam carucatam terre quam Ricardus de Otringtona quondam de me tenuit in Aswid in bosco et plano in pascuis et pratis et aquis et in omnibus eidem terre pertinentibus in puram et perpetuam elemosinam solutam quietam et liberam sicut sanctam Christi altaris hostiam ab omnibus terrenis serviciis et secularibus exaccionibus pro salute anime mee et patris et matris mee et omnium parentum Et ut liberius et libencius hoc facerem ipsi monachi dederunt michi sex marcas argenti et equum unum Testibus sub scriptis in quorum audiencia hec carta facta lecta et concessa fuit Roberto decano ecclesie sancti Petri Ebor Willelmo ejusdem ecclesie Roberto archidiacono Radulfo decano de Ketelwell R de Prestona et aliis multis Hec confirmacio facta fuit coram omni capitulo apud Colingaham in sollempnitate sancti Egidii in prima die Septembris luna ipsius diei xxiii anno ab Incarnacione Domini m c lxx vi

Source Fulltext: Chartulary of the Cistercian Abbey of St. Mary of Sallay in Craven. Joseph MacNulty. Yorkshire Archaeological Society, V.99. Yorkshire Archaeological Society. West Yorkshire Print Co. Wakefield. 1934.