Omnibus sancte matris ecclesie filiis has literas visuris vel audituris frater Willelmus prior et conventus sancte Trinitatis Ebor salutem Noverit universitas vestra nos dedisse et concessisse et hac presenti carta nostra confirmasse Deo et beate Marie et monachis de Sallai in liberam et perpetuam elemosinam quandam partem terre nostre cum edificiis et pertinenciis extra portam de Mikelgate illam scilicet quam Thomas Nacoc nobis resignavit et quietum clamavit de se et heredibus suis sicut mete posite sunt inter predictum Thomam et prefatos monachos de Sallai tenend de nobis libere et quiete inperpetuum pro una libra piperis nobis annuatim ad festum sancti Botulfi solvenda et pro uno denario quem prefati monachi de Sallai solvent annuatim predicto Thome et heredibus suis per magnam portam a magna via usque ad terram ipsorum monachorum ad cariagia et cetera necessaria facienda Idem vero Thomas et heredes sui nichil juris exigent in domibus vel rebus eorundem monachorum sine eorum permissione preter predictum denarium annuum Nos autem jam dictis monachis prefatam terram warantizabimus versus omnes pro prefato servicio Testibus H de Selebi R de Warwich Johanne filio suo et aliis

Source Fulltext: Chartulary of the Cistercian Abbey of St. Mary of Sallay in Craven. Joseph MacNulty. Yorkshire Archaeological Society, V.99. Yorkshire Archaeological Society. West Yorkshire Print Co. Wakefield. 1934.