Hec est finalis concordia facta in curia domini regis apud Westmonasterium die veneris proxima post xv dies Pasche anno regni regis Ricardi vj coram domino H Cant archiepiscopo Ricardo Eliensi archidiacono magistris Thoma de Husseburna Ricardo de Herierd Osberto filio Hervei Johanne de Gestlige justiciariis et aliis baronibus et fidelibus domini regis tunc ibidem presentibus inter Robertum le Vavasur petentem et abbatem de Sallai tenentem de convencione facta inter eos super terram de Tirnesco et super warantizacione carte predicti abbatis quam predictus Robertus habet de predicta terra cum pertinentiis in Tirnesco unde placitum fuit inter nos in prefata curia scilicet quod predictus abbas terram illam in manu sua tenebit et si ad firmam alieni dimittere voluerit nulli alii nisi predicto Roberto ad firmam dimittere poterit Et sciendum quod abbas de Rupe qui predictam terram de abbate de Sallei ad firmam habuit per Reginaldum monachum suum positum loco suo ad lucrandum vel perdendum in predicta carta quietam clamavit

Source Fulltext: Chartulary of the Cistercian Abbey of St. Mary of Sallay in Craven. Joseph MacNulty. Yorkshire Archaeological Society, V.99. Yorkshire Archaeological Society. West Yorkshire Print Co. Wakefield. 1934.