Anno domini m cc lxx primo ad Pascha facta fuit hec convencio inter dominum henricum de perci militem ex parte una et S abbatem et conventum sancte marie eboraci ex altera videlicet quod dictus dominus Henricus [...] dimisit predictis abbati et conventui quandam placeam terre super ripam aque de werfe jacentem inter semitam qua itur in pratis de Tadecastre versus Grimeston et aquam de Wherf et continet in longitudine sexies viginti pedes et in latitudine ab aqua usque ad predictam semitam Concessit eciam eisdem abbati et conventui liberum transitum per viam que se extendit a bercaria sua per medium Tadecastre usque ad predictam placeam Ita quod tam ipsi quam homines sui cum equis et carectis libere possint transire ire et redire et cariare per dictam viam per medium Tadecastre et a villa de Tadecastre usque ad predictam placeam sine aliqua contradiccione dicti domini Henrici vel [...] aliquorum ballivorum suorum [...] habend et tenend [...] usque ad terminum viginti annorum Reddendo inde annuatim dicto domino Henrico [...] dimidiam marcam argenti [...] medietatem ad Pentecosten et medietatem ad festum sancti Martini in yeme pro omni servicio [...] Concessit insuper dictus dominus Henricus [...] quoddam toftum [...] in Tadecastre quod habent ex dimissione Thome filii Thome de Larden de Tadecastre usque ad terminum viginti annorum habend et tenend [...] libere et quiete sicut melius et liberius continetur in cyrographo inter ipsos abbatem et conventum et dictum Thomam de Lardenario confecto Hiis testibus dominis Johanne de Percy Ricardo de Tweng militibus domino Ricardo de Swinton domino Godefrido de Alta Ripa Roberto de Conyngclif Henrico filio Magistri de Tadecastre Roberto Marescall de eadem et aliis

Source Fulltext: Percy Cartulary. M. T. Martin. Surtees Society, V.117. Surtees Society. Andrews & Co. Durham. 1911.